申子居酒屋

营业中

休息中

呢日约朋友午餐饭局，拣咗位于铜锣湾渣甸街附近嘅申子居。餐厅布置简约舒适，座位舒适，啱晒同朋友食饭倾偈。午餐仲做紧感谢祭，多款食品有六折优惠，几抵食。寿司定食乌冬（$167） - 卖相非常吸引，入面有多款厨师发办嘅寿司，包括吞拿鱼、甜虾、三文鱼、油甘鱼等，全部都好新鲜，超高质。定食仲跟埋蟹肉青瓜及牛舌沙律、面豉汤，非常丰富。除寿司外，仲有鸡白汤手打乌冬，鸡白汤味道香浓，乌冬烟靭滑溜。寿喜烧定食（$143）- 牛肉及配菜份量都唔少，牛肉质素亦相当唔错，寿喜烧汁香浓好味，配埋鸡蛋及白饭，非常丰富嘅一个定食。左口边鱼群边（$118）- 据闻呢个系餐厅嘅名物，鱼味新鲜，肉质有弹性，配合鱼子一齐食，口感同味道都非常有层次。