小魚兒 (寶漢大廈) (已結業)

位於銅鑼灣SOGO後面街寶漢大廈，呢間川菜館食物好多元化，非常值得推介佢哋個魚翅撈飯，一碗魚翅跟一碗白飯，只係$68而且非常足料仲要好味添喎，真係唔夠膽相信呢個價錢可以食到魚翅。佢哋嘅魚春烤魚，調味非常地道四川風味，又香又麻又辣，烤魚下面有大量魚春，佢哋既食物主打好味抵食。麻辣雞煲醬汁好濃郁，火候掌握得好好，特別要讚一句D雞好嫩滑，啲雞皮又少少脆，非常惹味。黃金魚皮，啲魚皮好薄身好脆，蛋黃醬均勻地遍布魚皮，濃郁咸蛋香味，食到停唔到口。仲有佢哋嘅燒菠蘿，菠蘿上面加咗蜜糖燒，菠蘿外面有一層焦糖脆脆，外面又甜又脆，裏面又甜又多汁，呢個都真係一定要食。