Vivere

营业中

休息中

Sugar+入面开咗好多靓靓餐厅，今次推介一间有情调，而且食物精致嘅餐厅。佢哋嘅灯光都比较暗，入面座位非常之阔落新净，明显系用心装修，吧枱后面有一大个萤幕同埋小舞台。佢哋会间中转换背景音乐，唔会令到个场好单调，睇嚟非常不错。同场有客人生日，餐厅系会转字幕，内容同埋生日歌，而且甜品仲有小烟花，用嚟影相打卡真系好正🥰🥰🌟Avocado and Tuna牛油果铺喺底中间就系吞拿鱼，佢哋嘅吞拿鱼感觉唔系好生，唔会切到太细粒，配上甜甜𠳏嘅芋头脆片，感觉好靓好健康。Stuffed Mushroom烟肉大些菇切开，有好多烟肉碎、芝士碎☺️焗到啱啱好食嘅时候仲系热辣辣，好香好好食，唔会太肥腻。Prawn Fettuccine整得好靓好精致，龙虾汁味道鲜甜，意粉又唔会太多汁，分量刚刚好。佢哋嘅虎虾都好出色，唔系完全熟晒，所以食嘅时候好鲜甜有咬口。9oz Striploin牛扒拣咗Medium Rare，所以入面仲系粉红色好嫩口，颜色靓之余好厚身，肉质比较瘦咬落去香牛味，几个人share食份量啱啱好。佢哋嘅薯条都好出色冇咁油腻，同时保持好脆口🤓🌟Crème Brûlée甜品非常之出色，入边有啲云呢拿籽超级香