Dodam Chicken (利舞臺廣場)

营业中

休息中

虽然宜家韩风热潮好似无以前咁盛行，但睇黎明都无损大家去吃炸鸡既意欲，事关呢间餐厅系爆满。不过好好彩，岩岩有人走先唔洗等位。Menu上有好多野拣，但我地见隔离枱d食物都咁大件，所以都系叫2样野就算。韩式辣焗烤鸡落单既时候唔记得左拣辣度，所以我谂佢default左比小辣我地。虽然我本人唔太食得辣，但我地觉得可以再辣啲。除左份量大之外，其实入面都几多料。有年糕、芝士竹、洋葱等等，当然唔少得主角烤鸡啦。用叉将d烤鸡围住d芝士翘2下，见到d芝士系超拉丝超正，亦有浓浓既芝士味。不得不提既系，啲鸡本身都烤得几好，外脆内嫩。韩式海鲜煎饼首先个煎饼系好大碟，黎到有少少吓亲，个样我觉得有少少似蚝饼，哈哈。服务员好贴心咁帮你剪开9份，海鲜亦都好平均地分布系每一格，有鱿鱼、虾、蟹柳等等。而本身个煎饼都煎得好薄好脆，个煎饼有附带一个甜甜地又辣辣地既酱，同个煎饼系非常夹，个人觉得系必点。虽然我地2个人净系叫左2样野，但系其实我地都食唔晒，可想而知个份量系有几大。