韓雅林 (已易手) 新餐厅

今次嚟到铜锣湾食韩烧！经朋友提议下决定提早一日订定位，make sure有得食。当日因为朋友们提早到达，又想早啲揾个地方坐下食住嘢倾下计，所以就打去餐厅问:「可唔可以提早一个钟嚟？ 」最后当然得咗啦！嚟到时间差唔多6点钟，见到有好多空位，间餐厅几靓，睇得出有花心思装修。地方又够大，唔单止可以容纳好多人，仲坐得几舒服！之后我地就嗌嘢食，谂咗好耐都唔知嗌咩好，好彩冇人催我哋。我哋食量唔多，嗌咗个鱼饼、盐牛肋肉（regular size) 、同埋㷈制过嘅鸡肉。食物嚟到，觉得食物一般般，冇惊喜，所以换来失望。（1） 前菜不过不失，对薯仔印象深刻，好食！（2）牛肋肉冇乜味，需要烧烤后用酱汁先觉得ok；（3）鸡肉相比下好食！够入味，肉质都几嫩；(4). 鱼饼，失败之作！冇乜鱼味食物份量都几大份，三个要食哂都几难，饭后仲有三小片西瓜同每人一小杯维记雀巢雪糕送，呢点都算贴心！不过论美观可言，俾多几块西瓜会更好价钱方面： 我们一共3个女仔，around $168/per person价格略贵，好似唔多值，不过同一班朋友嚟食个饭都ok嘅！不过就唔好expect会有咩惊喜。