Bingo & Cook (駱克駅) (已搬遷) 新店位置

同朋友黎到铜锣湾想食韩国野，但唔想过去尖沙咀，所以就揾下铜锣湾有咩韩国餐厅。系铜锣湾C出口一出就见到对面系骆克駅，二楼有一间叫Bingo&Cook，正正就系韩国餐厅，啱哂我地！入面地方宽敞，坐低系座位既时候，可以见到开放式厨房入面既厨师系到烹调紧食物。店入面既布置都充满童真～除咗有公仔摆设之外，仲有色彩缤纷既壁画，望落令人感到好舒服。肚仔饿既我地好彩唔驶等好耐就已经有得开餐啦！朋友话叫个『弹弹面』，我开头听错咗系『担担面』，心谂：『黎韩国餐厅食咩四川野？』原来系我谂错咗！系韩式既『弹弹面』~原只炸鱿鱼弹弹面真系有原只炸鱿鱼系面，上咗枱之后，店员先会用剪刀剪开只鱿鱼。等店员剪开之后，我地就开动啦！鱿鱼炸完之后，唔会有好厚既炸粉系面，食落去除咗弹牙有嚼劲之外，仲食到鱿鱼独特既香味，好香口。而『弹弹面』面条既质感十分弹牙，名副其实，绝不欺场。夹起每啖都挂有汤汁，微辣，十分过瘾！我非常钟意食韩式煎饼，呢到既煎饼选择有几款，我地就拣咗烤牛肉韭菜饼，一上枱就见到块煎饼都几大块，份量唔少，仲有一小碟酱汁去点。就咁望，见到韭菜份量都几多下。夹起一块黎试，韭菜味又唔算突出㖞。大概系因为烤牛肉既香味非常出