榮記粉麵

营业中

休息中

荣记既威力，系大到连大陆人落黎香港都要指定话去食。果晚个客就讲到明话想食荣记。不过夜晚先黎食既我地，当然有Ｄ𩠌系无我叫啦。好似我至爱既猪红，果晚已经Bye~~~~而我比柴湾工厂区既杂捞养坏左，出黎食正常车仔面嗌𩠌系有选择困难，尤其是系荣记有限你拣几𩠌，多个料定食多啖面，真系鱼与熊掌。当晚最后拣油面，配斋，墨鱼头，牛肚，萝卜，冬菇。写呢Ｄ用Point form表达好啦。斋：相比之下较为麻麻之作，倾向似面筋既口感而唔系生根既方向。墨鱼头：主要食佢口感，爽口同埋弹牙。冬菇＆牛肚：牛肚炆得够淋，两者对于食得清淡既朋友可能会觉得有Ｄ咸，我觉得味道入味入得岩岩好。萝卜：无渣，清甜，每次黎既铁胆。而另外一个细节位，就系荣记用通菜做菜底，我觉得咁样配粉面食既口感比出面生菜更加好。