萬丸燒肉 (已結業)

铜锣湾广场一直都有好多餐厅，有西餐、中餐、边炉店等等。今日经朋友介绍嚟咗试一间烧肉店，食完后觉得食物质素好高。而且服务员服务态度非常好，好友善，收碟速度都够快。今晚食咗特上烧肉放题，任食2个钟，食物选择丰富。安格斯封门柳封门柳牛味重，肉质软腍，油花较少，适合用嚟烧肉。寿喜烧安格斯翼板安格斯翼板嘅油花就分布得均匀啲，肉色鲜红，肉质一样软腍。另外配上寿喜烧汁，甜甜地，特别有风味。香葱薄牛舌牛舌用咗盐、胡椒、香葱作调味，烧完后已经唔使加其他酱汁。牛舌好味，好爽又有咬口，十分推介！美国极黑猪颈肉猪颈肉油脂感爆满！食落爽滑弹牙。日本锦爽鸡腿肉鸡腿肉较厚肉，鸡肉嫩滑，点埋烧汁食好正！手羽烧嘢食点少得鸡翼呢～虽然要烧耐烧烧，但明火网烧可以烧到鸡皮好脆！鸡肉多汁嫩滑。鸡皮串竟然有鸡皮！！啱啱讲到餐厅系用明火网烧，用大火烧到鸡皮好脆，油脂感丰富。一口紫薯紫薯细细粒，好甜，而且有牛油一齐烧，好香。翠肉瓜翠肉瓜好多汁，食完咁多肉类可以清新下口腔。味噌汤味噌汤个碗好靓🤣，饮落热辣辣，有好多海带。雪糕最后每人会送上movenpick嘅雪糕，食咗云呢拿味，味道好香浓。