隨變火鍋

营业中

休息中

今晚去咗铜锣湾V Point食火锅，餐厅喺23楼，望出去风景好好，服务亦好贴心，每张枱都有tempo同湿纸巾。先嚟一个前菜夫唱妇随（金钱肚牛舌），金钱肚够爽，好有咬口，牛舌牛味重，口感软腍。咁啱撞正推广，可以用优惠价叫象拔蚌刺身拼封门柳，非常抵食。象拔蚌鲜甜爽口，份量都好多。封门柳肉身软腍，又够重牛味。我哋叫咗麻辣汤底，好惹味。另外加咗好滑嘅鲜豆腐同好嫩嘅娃娃菜。当然唔少得麻辣汤底必配嘅莴笋，味道又夹又有助解辣。虽然已经叫咗微辣，不过朋友仍然顶唔顺，叫咗杯冻柠茶。嚟到发现杯茶上面仲有只用冻柠茶冰做嘅熊仔，好可爱，最紧要系杯茶唔怕溶咗会变淡！仲叫咗串烧鹌鹑蛋，细细粒好好食，用咗椒盐调味。烧生蚝都好好肉好juicy。烧多春鱼烧得好好，鱼皮有焦香，而且鱼身够厚，鱼春又有口感。烧白鳝烧到鱼皮好脆好香口，白鳝好肥美，啖啖肉。