影片
更多
2018-06-30
332 浏览
今日收工后，就同朋友食个便饭，就揾左一间有好多家常便饭既餐厅食下。餐厅上都系卡位，入到去都几多人下，同埋闻到好香，估计应该几好食😋餐牌上小菜选择有好多，而且仲有铁板扒，又有经济既二人餐都系$188。同朋友点左个二人餐加左个𩠌，包两碗例汤同白饭。今日既例汤系眉豆煲鸡脚汤，老火汤最重要系够火喉，饮落碗汤完全唔同外面茶餐厅既例汤质素。虽然系跟餐送既，但系饮落一点都唔马虎，汤既色泽好深色，饮落极为有味，而且唔系饮得出碗汤好足料，完全无加味精，就好似饮梗屋企妈咪煲既汤一样，热辣辣咁上枱，再食埋入面既鸡脚，感觉好满足😋Xo酱粉丝生蚝煲呢个极级推介，完全估唔到系茶餐厅可以食到呢个质素。生蚝全部都大大粒胀卜卜，食落都好鲜甜惹味，而且入面起码有成八只以上，非常足料。底下既粉丝都无失望，钟意食粉丝既朋友仔今次就一定满足，因为粉丝全部索哂xo酱同蚝既鲜味，而且粉丝处理得岩岩好，食落味道好吸引，最后全部食哂。家鄕梅菜扣肉呢个梅菜扣肉煲都值得一试，扣肉既肥瘦比例刚刚好，梅菜用来送白饭一流，够咸味但唔会太过咸。而且扣肉够肥，有一半系瘦，炆得够入味，肉同皮都沾满了梅菜的味道，食完令人回味。鱼香茄子煲我最欣赏呢间餐厅
今日收工后，就同朋友食个便饭，就揾左一间有好多家常便饭既餐厅食下。
餐厅上都系卡位，入到去都几多人下，同埋闻到好香，估计应该几好食😋餐牌上小菜选择有好多，而且仲有铁板扒，又有经济既二人餐都系$188。
同朋友点左个二人餐加左个𩠌，包两碗例汤同白饭。
今日既例汤系眉豆煲鸡脚汤，老火汤最重要系够火喉，饮落碗汤完全唔同外面茶餐厅既例汤质素。虽然系跟餐送既，但系饮落一点都唔马虎，汤既色泽好深色，饮落极为有味，而且唔系饮得出碗汤好足料，完全无加味精，就好似饮梗屋企妈咪煲既汤一样，热辣辣咁上枱，再食埋入面既鸡脚，感觉好满足😋
Xo酱粉丝生蚝煲
呢个极级推介，完全估唔到系茶餐厅可以食到呢个质素。生蚝全部都大大粒胀卜卜，食落都好鲜甜惹味，而且入面起码有成八只以上，非常足料。底下既粉丝都无失望，钟意食粉丝既朋友仔今次就一定满足，因为粉丝全部索哂xo酱同蚝既鲜味，而且粉丝处理得岩岩好，食落味道好吸引，最后全部食哂。
家鄕梅菜扣肉
呢个梅菜扣肉煲都值得一试，扣肉既肥瘦比例刚刚好，梅菜用来送白饭一流，够咸味但唔会太过咸。而且扣肉够肥，有一半系瘦，炆得够入味，肉同皮都沾满了梅菜的味道，食完令人回味。
鱼香茄子煲
我最欣赏呢间餐厅就系上枱时每样𩠌同汤都keep住好热好新鲜，同埋食落小菜都好够镬气，呢点加左唔少分。鱼香茄子煲上枱香喷喷，食落茄子都好够林，而且肉碎都够多，用来捞饭真系好正，有小小辣得来但都充满咸鱼香，同会食到有咸鱼系入面。
椒盐焗猪扒
呢味𩠌份量都唔小，起码有十块，每块都煎到金黄色，食落都好香椒盐既味，而且加左小小蒜，令猪扒味道更加出色，内里肉质都够嫩滑，口感不错。
菜心唔洗落任何蚝油同豉油都够原汁原味。
整体水准不错，小菜够镬气，充满大排档风味。
张贴
