Ember (已結業)

今晚去左间有情调的餐厅，见到有个projector screen 同live band舞台，相信可以比人包场搅event 都得，晚餐有4道菜，难得价钱都系响$208-358 ，实在太优惠，而且好优质，餐汤选了干邑龙虾汤， 有一大只虾，好爽口，鲜甜，个汤底好香浓，配埋香脆蒜蓉包，爽晒啲浓汤，好味。头盘系香煎法式鹅肝，中间夹著焦糖苹果，底层夹了脆多士，鹅肝够大块，点上黑醋，可以中和腻口感。主菜叫了澳洲M6威灵顿牛柳($358)，期待已久，终于可以食到, 酥皮外脆内软，唔会太厚皮，好正，中间有蘑菇碎夹心，好香，牛扒指定熟度，真的刚好，牛肉香味好浓，而且好多配菜，我喜爱菠菜。饮品叫了杯白酒，虽然今晚食红肉𩠌红酒较适合，但自己情有独钟饮白酒，今晚有三款house wine, 我选了来自阿根廷的Chardonnay ，够fruity ,好饮呀！甜品系开心果gelato， 听落都好吸引，食落真系好香开心果味，有断粒粒开心果仁有嚼口。