鮨本

营业中

休息中

今日lunch约埋朋友来食好野，好耐冇食过日本鱼生，趁住今日中午有空，特登预早book位，来个happy monday lunch！呢到装修好优雅，超级有日本feel。萤光鱿鱼茶碗蒸好特别，系我第一次食嘅组合，有浓浓嘅鱿鱼膏味，另d蛋更加creamy。马友一夜烧配lime个鱼味更加突出，外皮超级脆，但肉就保持到好滑身。松叶蟹生菜卷个样有d似高级烧卖，整粒放入口食，蟹嘅清甜味够浓，生菜有微微脆嘅口感，一齐食好好味。寿司我觉得所有都好好食，但最令我印象深刻就系： 北海道甜虾昆布渍，沙甸鱼，天然帆立贝，烟熏䲠鱼，大toro，马粪海胆同𩽾𩾌鱼干手卷。最后用个奶白鱼汤结尾好适合！因为朋友唔识雪糕又唔饮咖啡，所以将佢杯热咖啡都俾埋我，咁我就可以又食海盐雪糕，又饮咖啡！