影片
更多
2024-08-31
62 浏览
香港好多日本餐厅都有Omakase，而今次去嘅鮨店，佢个餐厅名比较特别 ~ 重房，餐厅装修型格舒服，性价比超高，人气仲高，加上餐厅只有大约十几个位唔算太多，所以想食就要提前订位啦🙂头盘 北海道白粟米＆芝麻酱菠菜配鳕场蟹肉喺香港好少食到北海道白粟米，一咬落去啲汁爆出嚟，超juicy仲好鲜甜，再配上鲜甜既鳕场蟹肉同芝麻酱菠菜，头盘已经令到胃口大开😍黑色诱惑海胆用新鲜即开嘅北海道紫海胆配上日本甜虾，上面仲有矜贵嘅Caviar，浓郁嘅海胆配上鲜甜嘅甜虾，加上柔软如绵的口感，简直将舌头融化，老板仲话北海道紫海胆时令季节今个月就会完，好彩赶得切品尝得到，每一口都系幸福嘅感觉。碟边仲细心附有淡雪盐，可按个人口味加减。酒杯高贵红虾名贵嘅西班牙深海红虾，厨师将虾膏打碎做酱汁，虾身点啲汁黎食，浓郁鲜甜又唔会腻，虾头酥炸至爽脆容易入口，送酒一流🤤北海道仙凤趾生蚝来自北海道既仙凤趾生蚝，非常大只，特色系非常creamy鲜甜，入口好fresh冇重金属味，上面加左啲土佐醋啫喱同埋冲绳海葡萄，简直系perfect match😍之后食唔返咁好味嘅生蚝点算好😅刺身系列1. 平政鱼平政鱼系𫚕油同油甘鱼既近亲，师傅将平政鱼
香港好多日本餐厅都有Omakase，而今次去嘅鮨店，佢个餐厅名比较特别 ~ 重房，餐厅装修型格舒服，性价比超高，人气仲高，加上餐厅只有大约十几个位唔算太多，所以想食就要提前订位啦🙂
头盘
北海道白粟米＆芝麻酱菠菜配鳕场蟹肉
喺香港好少食到北海道白粟米，一咬落去啲汁爆出嚟，超juicy仲好鲜甜，再配上鲜甜既鳕场蟹肉同芝麻酱菠菜，头盘已经令到胃口大开😍
黑色诱惑海胆
用新鲜即开嘅北海道紫海胆配上日本甜虾，上面仲有矜贵嘅Caviar，浓郁嘅海胆配上鲜甜嘅甜虾，加上柔软如绵的口感，简直将舌头融化，老板仲话北海道紫海胆时令季节今个月就会完，好彩赶得切品尝得到，每一口都系幸福嘅感觉。碟边仲细心附有淡雪盐，可按个人口味加减。
酒杯高贵红虾
名贵嘅西班牙深海红虾，厨师将虾膏打碎做酱汁，虾身点啲汁黎食，浓郁鲜甜又唔会腻，虾头酥炸至爽脆容易入口，送酒一流🤤
北海道仙凤趾生蚝
来自北海道既仙凤趾生蚝，非常大只，特色系非常creamy鲜甜，入口好fresh冇重金属味，上面加左啲土佐醋啫喱同埋冲绳海葡萄，简直系perfect match😍之后食唔返咁好味嘅生蚝点算好😅
刺身系列
1. 平政鱼
平政鱼系𫚕油同油甘鱼既近亲，师傅将平政鱼刺身加上芝麻碎一齐食，可以将平政鱼嘅鲜味大大提升，老板仲解释夏天食平政鱼，冬天先食油甘鱼𫚕鱼，果然系不时不食。
2. 九州象拔蚌
白象拔蚌上放上又靓又新鲜既紫苏花串，加上柚子皮，岩盐，青柠汁，成件艺术品咁实在太靓，有啲唔舍得放入口，食落新鲜甜美又有紫苏花嘅清新，简直系极品😍
3. 关鲭鱼
关鲭鱼刺身用火枪炙烧，再加上姜片青葱，鱼味香口又有姜葱味，好有特色。
4. 中吞拿鱼腩
吞拿鱼稀有部位脑天烧到半熟，再加上中吞拿鱼腩，中间夹块紫苏叶，外面包住又香又脆嘅紫菜，一啖放入口内爆满鱼油香，感觉又暖又冻，口感世一🤩
矶煮鲍鱼
用味淋，糖，豉油，慢煮几个钟后再浸一晚，准备工夫十足，先煮到咁弹牙入味又够淋嘅鲍鱼，另外白萝卜系用鲍鱼汁浸煮而成，相当鲜甜入味，仲有个酱汁系全碟不可或缺嘅一部份，系用鲍鱼肝打成，又香又creamy，店员教路先试咗唔点酱就咁食鲍鱼感受佢嘅鲜味，之后再按自己喜好点酱食比较两者之不同🤩
盐烧吞拿鱼下巴
用靓靓嘅富士山碟，衬托住盐烧吞拿鱼下巴，皮脆香口肉嫩，再加上南瓜汤球份子料理，提一提南瓜汤球一定要一口食哂，否则汤球爆汁，全身尽湿😂
寿司 (舍利柔软轻盈，不黏不腻)
1. 石垣贝 - 经师傅拍打后即时收缩，肉质新鲜爽口到无可媲美
2. 真鲷 - 九州野生真鲷，上面加上乌鱼子，鱼肉鲜甜爽口弹牙
3. 深海池鱼 - 用炙烧等啲鱼油渗出黎，但系唔会烧到鱼肉，以保持鱼肉新鲜度，好考师傅既功夫👍🏻鲜甜有淡淡烟熏味
4. 池鱼 - 上面配咗日本炸蒜，另有一种美味
5. 秋刀鱼 - 鱼鲜弹牙而不会有腥味，加上葱粒，劲好味
6. 马粪海胆 - 一板板新鲜空运到港，用紫菜包住新鲜嘅海胆，外表尤如一只橙色热狗🌭，但食落口感细滑，幸福感爆灯🤩
食到饱饱之际，老板送上好香嘅鱼汤，用30多种鱼煲出嚟，鲜中带甜无鱼腥味，汤入面既娃娃菜，吸晒鱼汤嘅精华，太配合啦😍
水果时间
老板递上由日本空运嘅静冈县蜜瓜，蜜瓜颜色劲靓，食落又清甜多汁，毫无违和感，为依个丰富晚餐画上完全句号😍最后想讲吓老板Ivan好靓仔，服务超好，讲解又清楚，有佢招呼真系好荣幸😍😍😍
评分：最高为5分
治愈度：👩⚕️👩⚕️👩⚕️👩⚕️👩⚕️
抵食度：💉💉💉💉💉
翻兜指数：🩺🩺🩺🩺🩺
重房
铜锣湾加路连山道1号地下18-19号舖
📍铜锣湾港铁站F1出口5分钟路程
#healingbobo #foodie #hkfoodie #foodiehk #香港 #美食 #seafood #海鲜 #sushi #sashimi #Omakase #厨师发办 #CWB #铜锣湾 #Shigefusa #重房
张贴
