影片
更多
2023-11-07
29 浏览
踏入生日月，当然要食得好😂上次老公同同事喺呢间食过，觉得好食同环境好好，所以决定带我来食lunch。先讲下个环境先，一岀䢂就已经到餐厅，一入到去感觉好舒服好休闲，而且我最钟意佢玻璃幕墙全部都系用酒樽做布置，好有日式感觉👍🏼👍🏼今天叫了set lunch$188同double delight meal$388😍Mocktail (Fruit Body)$68呢杯系有红莓汁菠萝汁同雪碧mix，饮落去感觉好清新，又唔会死甜👍🏼马赛鱼海鲜汤呢个海鲜汤真系好味到不得了😋怪唔之得佢哋meal有个奖字😂味道好浓郁，感觉真系用好多材料去熬制，极力推荐👍🏼原条秋刀鱼刺身😍开头老公话好食，我都有啲惊，因为始终未食过秋刀鱼刺身，怕会好腥。点知一试难忘，好鲜甜，完全冇腥味，可能因为食材新鲜👍🏼再加上佢哋自家调制嘅酱汁，同刺身好夹。杂菜沙律🥗沙律菜食得出好新鲜，再加上超级好味嘅黑醋酱汁，锦上添花嘅系佢嘅蕃茄干，酸酸甜甜好好味😋海鲜茶碗蒸+$35海鲜茶碗蒸上边嘅配料，都经过细心烹调，令到茶碗蒸味道更加丰富。而且茶碗蒸嘅蛋，系好深黄色，已经睇得出味都系好浓郁，好入味👍🏼海鲜蒜香辣意粉意粉份量虽则唔多，但两个人食啱啱
先讲下个环境先，一岀䢂就已经到餐厅，一入到去感觉好舒服好休闲，而且我最钟意佢玻璃幕墙全部都系用酒樽做布置，好有日式感觉👍🏼👍🏼
今天叫了set lunch$188同double delight meal$388😍
Mocktail (Fruit Body)$68
呢杯系有红莓汁菠萝汁同雪碧mix，饮落去感觉好清新，又唔会死甜👍🏼
马赛鱼海鲜汤
呢个海鲜汤真系好味到不得了😋怪唔之得佢哋meal有个奖字😂味道好浓郁，感觉真系用好多材料去熬制，极力推荐👍🏼
原条秋刀鱼刺身😍
开头老公话好食，我都有啲惊，因为始终未食过秋刀鱼刺身，怕会好腥。点知一试难忘，好鲜甜，完全冇腥味，可能因为食材新鲜👍🏼再加上佢哋自家调制嘅酱汁，同刺身好夹。
杂菜沙律🥗
沙律菜食得出好新鲜，再加上超级好味嘅黑醋酱汁，锦上添花嘅系佢嘅蕃茄干，酸酸甜甜好好味😋
海鲜茶碗蒸+$35
海鲜茶碗蒸上边嘅配料，都经过细心烹调，令到茶碗蒸味道更加丰富。而且茶碗蒸嘅蛋，系好深黄色，已经睇得出味都系好浓郁，好入味👍🏼
海鲜蒜香辣意粉
意粉份量虽则唔多，但两个人食啱啱好，胜在贵精不贵多，因为真系好好食😂意粉，用咗好弹牙嘅意粉条，而且都唔算好辣，配上新鲜嘅虾同埋带子，两个人好快清哂😂
精选串烧六款配白饭
一上菜嘅时候已经觉得好吸引😍卖相好靓，好细心系佢嘅白饭都已经调咗味。串烧方面，每个食材都好新鲜，特别系羊架，唔会有骚味。同埋推介紫苏叶配豚肉串，味道新奇又好夹👍🏼
总结而言，呢间居酒屋一定会有下次😋👍🏼绝对是高质素之选👍🏼特别要称赞的是，服务员的服务也很好，每次上菜都会为你介绍菜式👍🏼非常有礼及细心👍🏼
张贴
