影片
更多
2023-01-05
102 浏览
📌 Milu Thai มิลู่ไทย - 铜锣湾耀华街3号百乐中心2楼🗓(5/1) 星期四 ⏰ 晚上6点左右💈特式：见今日有开心野就决定出去食个靓饭庆祝，另一半又想食泰菜，上网见到呢间评价去到946🙂比8😢，都真系确实系一个唔错嘅比例，所以就拣左佢嚟试下。🥩🍔🌭🌮🥗🥯🥘🍲🍝🍣🥟🍤🍱食物：见佢餐牌都清晰同有好多不同嘅推介，所以今日就睇住佢d推介去点菜啦，等我同大家讲下🇨🇷味道先。火山排骨 - 呢个系餐厅重点推介菜式，我见差唔多枱枱客都有叫，呢个火山排骨上枱真系成座山咁，好有视觉效果，d排骨都好多肉，唔会净系得旧骨，肉质亦已经煮到好淋身，用手好易就可以撕开，个酸辣酱汁更加起到画龙点睛嘅效果，酸酸辣辣咁，对味蕾好有冲击，但如果有同行朋友怕辣嘅话，就可以预先同店员讲低酱汁另上，另外上排骨前店员仲会提供埋胶手套同湿纸巾方便客人食用。柚子鲜虾沙律 - 呢个沙律份量都ok，有好多柚子肉，柚子肉亦唔会好酸，鲜虾size都大，仲有加入腰果增加脆口感，整体酸酸甜甜都几开胃。泰式烧牛柳 - 呢个烧牛柳上枱已经闻到好香，入口亦有好重嘅焦香，加上佢用牛柳部位，所以食嚟好鲜嫩同淋滑，加埋佢地个秘制酱汁一齐食仲更加惹
🗓(5/1) 星期四 ⏰ 晚上6点左右
💈特式：见今日有开心野就决定出去食个靓饭庆祝，另一半又想食泰菜，上网见到呢间评价去到946🙂比8😢，都真系确实系一个唔错嘅比例，所以就拣左佢嚟试下。
🥩🍔🌭🌮🥗🥯🥘🍲🍝🍣🥟🍤🍱
食物：见佢餐牌都清晰同有好多不同嘅推介，所以今日就睇住佢d推介去点菜啦，等我同大家讲下🇨🇷味道先。
火山排骨 - 呢个系餐厅重点推介菜式，我见差唔多枱枱客都有叫，呢个火山排骨上枱真系成座山咁，好有视觉效果，d排骨都好多肉，唔会净系得旧骨，肉质亦已经煮到好淋身，用手好易就可以撕开，个酸辣酱汁更加起到画龙点睛嘅效果，酸酸辣辣咁，对味蕾好有冲击，但如果有同行朋友怕辣嘅话，就可以预先同店员讲低酱汁另上，另外上排骨前店员仲会提供埋胶手套同湿纸巾方便客人食用。
柚子鲜虾沙律 - 呢个沙律份量都ok，有好多柚子肉，柚子肉亦唔会好酸，鲜虾size都大，仲有加入腰果增加脆口感，整体酸酸甜甜都几开胃。
泰式烧牛柳 - 呢个烧牛柳上枱已经闻到好香，入口亦有好重嘅焦香，加上佢用牛柳部位，所以食嚟好鲜嫩同淋滑，加埋佢地个秘制酱汁一齐食仲更加惹味。
马拉盏椰菜苗 - 本身想叫通菜，但见到佢有椰菜苗，因为出面唔系间间有，所以就叫左佢再用马拉盏炒，除左马拉盏其实仲可以拣清炒/蒜蓉/飞天，不过我钟意马拉盏炒会加d虾米/虾干之类，食落有阵咸香味d。
大头虾冬荫公汤 - 因为惊食唔晒，所以冬荫公就净系叫左个小size，虽然只系小size，但原来份量都唔小，大约可以分到4碗出嚟，辣度就中等，酸度就唔算好酸个只，大头虾除左size大仲有膏。
☕️🍵🥤🧋🍺🍷🥃🍹🧉🍾🍶🥛
饮品 - 饮品就叫左一个椰青同一杯龙眼冰，椰青好大个又清甜，龙眼冰入面都好多龙眼肉，味道都系偏清甜。
🍽环境：餐厅装修都几有心思，用木系材质配上一d涂鸦墙身，坐位都好多，枱与枱都阔落，枱面空间亦都好松动，仲见到有唔少卡位，整体干净企理，比人感觉都好舒服。
🤵🏻🤵🏻♀️🤵🏻♂️服务：店员态度几好，会介绍餐厅推介菜，又会关心客人食唔食得辣去推介菜式，亦会提议辣酱汁另上去方便唔食辣嘅客人，上火山排骨时会主动提供胶手套湿纸巾比客人，各方便都体现到店员嘅小心思。
💰💸价钱：因为样样都想食，所以越叫越多，其实我叫以上嘅野，比4个人食都够食，埋单就$800左右，所以人均大约只系$200，系铜锣湾嘅黄金地段食野，再加上高质嘅食物，价钱都好合理，分分钟仲平过去九龙城食。
🐲💬总结：我个人好满意今次呢餐泰菜，食物水准高，又有特色，期待下次嚟试埋佢其他餐厅推介食物，例如咖哩三重奏同生虾刺身等等。
推荐指数：❤️❤️❤️❤️❤️
火山排骨
$228
7 浏览
0 赞好
0 留言
柚子鲜虾沙律
$98
9 浏览
0 赞好
0 留言
马拉盏椰菜苗
$98
15 浏览
0 赞好
0 留言
泰式烧牛柳
$98
19 浏览
0 赞好
0 留言
大头虾冬荫公汤
$128
11 浏览
0 赞好
0 留言
椰青/龙眼冰
9 浏览
0 赞好
0 留言
张贴
