亀井鮨 (已結業)

铜锣湾 高质寿司🍣今天难得于铜锣湾世贸中心品尝到高质寿司🍱 地点好近地铁站，食开寿司嘅我今日特别想食好啲就去食个lunch 寿司，十分满意，环境高尚，服务周到，食物优质、新鲜，摆盘餐具优雅。👍🏼👍🏼 原来仲要系日本过百年历史嘅寿司品牌，系日本都有多间分店！今次叫咗个 「青」席前寿司，遮系喺你面前握嘅寿司！前菜味道正正常常嘅面豉汤同埋沙律，不过不失，值得提嘅系佢个沙律碟好靓！寿司就有十件！每一件都好高质新鲜，鱼好明显都系飞机货！新鲜日本空运。三文鱼腩、油甘鱼、鲷鱼、间八、日本海胆 就系set定嘅，另外时令我今次就系：鲍鱼、赤贝、墨鱼、大虾特别值得提系 我系好钟意思食 墨鱼，新鲜都唔新鲜系好易分，佢嘅咬口、特别系黏嘅感觉系话紧畀你听究竟佢系几新鲜！另外个虾我系第一次见到有咁嘅display，都几有趣。海胆亦都新鲜冇任何臭味，不过我食嘅时候唔记得咗应该早啲食，慢慢品尝去到最后先食佢，一咬先醒起，我咁迟食会令到啲紫菜冧咗，大家叫嘅话，记得要早啲食，唔好好似我咁傻仔。总括而言，整体都唔错，值得一个好评！