泰簡單

营业中

休息中

估唔到铜锣湾都有间咁出色的泰国菜，仲要咁近地铁站，装修仲好靓，食物质素都唔错😝😝椰汁鸡汤 (small) 有少少辣，味道类似冬阴公，酸酸辣辣，但又好香椰香味～菠萝炒饭份量好足够2-4人食，炒饭炒到粒粒分明，仲有好多唔同配料，例如菠萝、海鲜、肉松，食完好满足～泰式烤鱼用左盐、泰式香料去烤，所以香喷喷，食落唔会好多骨，鱼肉都几滑几入味，点埋泰式酸辣汁，仲yummy，不知不觉就食哂成条鱼！芒果糯米饭好足料的芒果，堆到成座山咁高，底层系紫糯米饭，淋上热辣辣的椰浆，再配上又甜又大粒的芒果🥭，yummy!白马王子呢款特饮好有惊喜，由椰奶再加上马蒂粒粒而成，饮落好有咬口，好清爽。