寿々乃 (已搬遷) 新店位置

適逢31號除夕早放，所以特別約左同事去食omakase, 平時都食慣omakase,通常價位都會係500-800蚊左右。 今次經自己老細推介嚟咗依間穩世小店，上到去環境舒適，今次特別安排坐bar枱，叫左$298既特上壽司定食（前菜+蒸蛋+十貫壽司+卷物+迷你烏冬/麵豉湯），雖然係定食，但師傅一個件一件咁上俾我地食，同食omakase 無特別， 個人認為哩個價位認真抵食。book 枱前指明要坐bar枱就ok! 此店服務不得不提，師傅展示今日既鮮魚俾我地睇之如，侍應上心，斟茶次數不勝數。壽司鮮甜，個海膽係吾記得影相既時候吾小心咬左啖，所以圖片有d怪怪地🤣壽司係咩就吾多介紹，但師傅特別提點拖羅吾需要點豉油，只加wasabi就可以。試完肥美既拖羅后，覺得原來唔點豉油反而突出到拖羅嘅鮮味。賴尿蝦刺身第一次食，口感比起牡丹蝦有點不同，同壽司飯融為一體，好食！師傅講話其實此店開左5年左右，但因為租約問題所以一定要改名,之前叫大藏。總括嚟講所有壽司都好鮮美，感覺食物性價比高之如，環境舒適，適合同客過嚟食飯， 將會再次光臨此店。