千鍋居 (已結業)

原先谂住食卧龙庄，去到楼下见到得1个门口，写住1楼系千锅居，2楼卧龙庄，睇极都系得1条楼梯上落，由于知道2间系姊妹店，所以心大心细咁上去睇下。上到去问楼面卧龙庄点上去，佢话楼上冇开，厨房系哂度，食嘅嘢系一样架。听佢咁讲，我哋选择坐低。可惜呢个时候，冇人会为你带位，冇人招呼你，个个睇你唔到咁，自己唯有死死地气揾张枱，感觉超唔好坐低见只放午市，就问楼面攞主餐牌，等咗一阵先攞到嚟，睇完挥咗好耐手再等咗一阵先有人嚟落单，唉！我哋叫咗虎皮尖椒，香辣鸡杂煲，水煮牛肉，担担面同一杯荔枝沙冰！虎皮尖椒不过不失，应该系话出错机会最低嘅菜式！香辣鸡杂煲，错咗唔香又唔辣， 只有鸡杂腥味，鸡杂完全冇腌，整个煲系一个错误水煮牛肉又系错嘅， 牛肉又系冇味，而且口感好鞋好柴，我都冇话走麻走辣，点解会又唔麻又唔辣架，最奇怪系我又见有花椒同辣椒架㖞，唉！担担面估佢唔到咁大碗，同水煮牛嘅size 差唔多，呢个面有落宜宾芽菜，有麻酱味，算pass.呢个沙冰好难handle, 就咁饮又怕饮哂啲荔枝汁之后得返座冰山，队冧佢又怕成枱都系，我知沙冰唔值钱，都唔驶咁挂最终，我哋冇一样嘢食得哂，沙冰饮咗一半都冇。 如果好似个楼面咁讲卧