影片
更多
2022-12-12
105 浏览
一心想食小笼包，见到乐天就中咗入去。点知揾均成本menu都揾唔到小笼包，原来乐天经典系乐天集团旗下嘅南洋菜餐厅，真系摆咗个大乌龙呀！既然都坐低咗连茶都开埋，于是就试吓啦，反正都好耐无食南洋嘢。桂花乌龙茶 $12/位一坐低侍应就问我哋要唔要饮桂花乌龙茶，都几清香桂花味，但直到埋单先知道原来要$12一位。咕噜肉 $98肉嘅份量都几多，而且炸得好酥脆，咬落去唔会觉得个炸粉好厚身，肉质肥瘦适中，唔会好干好柴，每一粒咕噜肉都被酸酸甜甜嘅酱汁包裹住，酸甜开胃又唔油腻。菜香铁板豆腐 $98大大砖嘅豆腐用铁板上，上面有一层薄薄嘅蛋浆，一路食都keep住热辣辣，豆腐嘅质地系玉子豆腐，外层炸过有焦香，中间嫩滑有蛋香。肉碎酱汁好惹味，呢一个小菜好适合送饭！大虾炆米 (例） $78两只大虾鲜甜弹牙，虾汤虾味浓郁，米粉完全吸收咗汤嘅精华，每一口都系享受！因为今次又想食埋腊味炒饭，于是将食剩嘅米粉打包第二日做lunch，隔咗一晚个米粉比寻晚更加美味😆腊味炒饭 (例） $68饭粒炒到粒粒分明够干身，口感烟韧，酱油香气扑鼻，啖啖都食到腊味粒粒，齿颊留香。清心丸绿豆爽 $38清心丸清甜带嚼劲，甜而不腻，糖水入面仲有清热
既然都坐低咗连茶都开埋，于是就试吓啦，反正都好耐无食南洋嘢。
桂花乌龙茶 $12/位
一坐低侍应就问我哋要唔要饮桂花乌龙茶，都几清香桂花味，但直到埋单先知道原来要$12一位。
咕噜肉 $98
肉嘅份量都几多，而且炸得好酥脆，咬落去唔会觉得个炸粉好厚身，肉质肥瘦适中，唔会好干好柴，每一粒咕噜肉都被酸酸甜甜嘅酱汁包裹住，酸甜开胃又唔油腻。
菜香铁板豆腐 $98
大大砖嘅豆腐用铁板上，上面有一层薄薄嘅蛋浆，一路食都keep住热辣辣，豆腐嘅质地系玉子豆腐，外层炸过有焦香，中间嫩滑有蛋香。肉碎酱汁好惹味，呢一个小菜好适合送饭！
大虾炆米 (例） $78
两只大虾鲜甜弹牙，虾汤虾味浓郁，米粉完全吸收咗汤嘅精华，每一口都系享受！因为今次又想食埋腊味炒饭，于是将食剩嘅米粉打包第二日做lunch，隔咗一晚个米粉比寻晚更加美味😆
腊味炒饭 (例） $68
饭粒炒到粒粒分明够干身，口感烟韧，酱油香气扑鼻，啖啖都食到腊味粒粒，齿颊留香。
清心丸绿豆爽 $38
清心丸清甜带嚼劲，甜而不腻，糖水入面仲有清热润肺嘅绿豆同爽口马蹄片，非常适合不太嗜甜嘅朋友。
香茅冻 $36
甜中带微酸，充满香茅独特香味，非常清新。
原来12月16号前叫招牌虾汤菜式，可以用六折优惠价加购乐天经典Top 10最受欢迎菜式，即系个咕噜肉折咗之后都系60蚊咋，真系劲抵食呀！
张贴
