車仔麵之家 (已結業)

湾仔午餐之选,平日如果一班同事食都比较多系一啲中上价位既选项，有时自己一个食就唔介意揾啲地道啲既野食下。今日误打误撞黎左呢间出名车仔面既新店。呢间舖头行快餐车仔面形式, 即系先落单俾钱再揾位坐低等叫号码拎野食。因为本身唔知呢间系人气野, 就随意系餐牌到拣左鱿鱼,萝卜同埋甜酸斋跟左个河粉。点知坐低先见到呢一个餐牌写住咖哩鱿鱼, 我都有一刻谂两样野会唔会有分别，最终上菜就证实左无喇,鱿鱼即系咖哩鱿鱼。因为本身唔食得辣既关系, 我觉得个鱿鱼好辣但又相当惹味，所以都忍住辣食哂佢，加上佢明显口感上都唔系平时车面食到既水鱿,比较爽口而且易咬开,我觉得更好食。萝卜有少许渣但都系甜既, 甜酸斋就甜为主,而且分上,唔会浸到淋哂,抵赞!不过摆多两阵都系会淋左有啲啲韧左。整体黎讲食物唔错, 餐厅亦都几干净,再有机会一个人食饭又车面瘾起既时候我会再黎架。