影片
更多
2008-10-01
因为想揾个系火车沿线的地方行下，拣拣下又来到又一城。同行友人猪仔想饮晏茶食点心，又见眼前此间中式茶楼格局的又一栈，系未睇清楚之前就攞飞走左入去。入到去先知死火，原来唔系食虾饺烧卖既！不过都冇办法啦，茶都饮左，唯有照去。一打开menu，真系俾价钱吓窒左，头几页都系贵价菜式，好彩最后都有相宜d o既面食同点心。因为同原先o既plan唔同，点菜时花左唔少时间。最后点左炸酱面、天津九不理包、罗宋牛肉锅巴。原本想食生煎包，不过侍应话卖晒，所以先要九不理。炸酱面首先上枱：一食落，发觉最抢眼的唔系炸酱，而系面条，弹牙好咬口，捞左好多酱都唔会「淋劈劈」，又唔粉，面条黎讲算系中上之作。不过炸酱就唔系平时面档食辣果ｄ，唔辣，感觉比较似肉酱意粉的肉酱，偏甜。另外，青瓜非常新鲜，捞埋一齐食都不失色。整体黎讲，呢个炸酱面都几好食～九不理：有蒸同煎，点左蒸的。原本冇乜期望，谂住会系普通o既猪肉包，点知佢包皮做得好好，好软熟，不粉不黏，易入口。馅料冇特别好或不好的地方，肉汁OK。如果冇其他心水，呢个九不理唔错。罗宋牛肉锅巴：锅巴同汁分开上，汁系真系罗宋汤，唔算太浓，辣味的。料都几多（牛肉、蕃茄、西芹、洋葱等）。锅巴
同行友人猪仔想饮晏茶食点心，又见眼前此间中式茶楼格局的又一栈，系未睇清楚之前就攞飞走左入去。
入到去先知死火，原来唔系食虾饺烧卖既！
不过都冇办法啦，茶都饮左，唯有照去。
一打开menu，真系俾价钱吓窒左，头几页都系贵价菜式，好彩最后都有相宜d o既面食同点心。
因为同原先o既plan唔同，点菜时花左唔少时间。
最后点左炸酱面、天津九不理包、罗宋牛肉锅巴。
原本想食生煎包，不过侍应话卖晒，所以先要九不理。
炸酱面首先上枱：一食落，发觉最抢眼的唔系炸酱，而系面条，弹牙好咬口，捞左好多酱都唔会「淋劈劈」，又唔粉，面条黎讲算系中上之作。不过炸酱就唔系平时面档食辣果ｄ，唔辣，感觉比较似肉酱意粉的肉酱，偏甜。另外，青瓜非常新鲜，捞埋一齐食都不失色。整体黎讲，呢个炸酱面都几好食～
九不理：有蒸同煎，点左蒸的。原本冇乜期望，谂住会系普通o既猪肉包，点知佢包皮做得好好，好软熟，不粉不黏，易入口。馅料冇特别好或不好的地方，肉汁OK。如果冇其他心水，呢个九不理唔错。
罗宋牛肉锅巴：锅巴同汁分开上，汁系真系罗宋汤，唔算太浓，辣味的。料都几多（牛肉、蕃茄、西芹、洋葱等）。锅巴有大约６件到，一件４cm x ４cm到啦。浸落ｄ汁到，等个锅巴吸收左ｄ汁，加件牛肉一齐食，浸左一段时间都几香口几脆，又有浓浓的罗宋汁味，几易入口，有得玩有得食，好快就食晒！＄７８，值唔值就唔知，食个感觉都几好的。
总括黎讲，３味菜中，淀粉质表现出色，哈哈！
得两个人，试左３样野，完全冇预期过会入黎食，但几好，唔洗有不必要的期待，错有错著，食物令人惊喜。
埋单计埋茶钱小菜２０６，午餐黎两个人就真系贵左少少，但都唔会有唔值o既感觉，满意满意啦～
张贴
