胡爐 (已結業)

太阳一落山，天气就急转凉！嗱嗱临去揾间打边炉！锅底冬天必须来一个滋润嘅花胶鸡锅，鸡件好足两，第一啖汤非常润喉，而且浓郁无比，一定一定要先饮一碗汤再进行打边炉嘅环节！丸饺类餐厅全部都系手工丸饺，当然要叫返几款。手打香茜炸菜牛丸相当香浓、虾丸弹牙粒粒虾肉、黑松露墨鱼丸淡淡幽香！手工云呑皮薄馅靓，自家制韮菜饺同样鲜香多汁。胡炉牛拼盘一客五款：牛舌芯、安格斯手切肥牛、极上手切牛颈脊、牛胸爽、霜降牛粒。特别喜欢佢嘅厚切牛舌芯，爽口有牛味；安格斯手切肥牛牛脂味特出；牛颈脊肉质细腻；霜降牛粒渌耐小小都唔怕老，食落带点嚼劲，味道香盛。炸紫菜响铃邪恶之选，即叫即炸，油份唔算特别重，小编特别钟意里面包着嘅紫菜极度香口，外皮薄脆，唯定价稍高。