鍋心粥底火鍋 (德成街)

营业中

休息中

屋企附近都有一间锅心，好耐之前已经听街坊讲佢哋嘅海鲜火锅出名新鲜好食！今次难得同朋友一齐去佐敦呢间锅心试一试，果然够晒新鲜！我哋今次预约咗平日嘅七点，去到门口已经见到有唔少人喺出面排紧队，好彩我哋有book位先可以咁快坐到入去。餐牌会教你一步步咁选择唔同嘅汤底、海鲜同配料…step1拣咗粥底step2拣左肉蟹+沙白蚬step3拣蟹5款海鲜（鲍鱼、虾、花甲、刀贝同多宝鱼）step4系固定海鲜粥既配料（南瓜粒、芋头粒、粟米件）Step5每位可以自选四款配料打边炉（莴笋、肥牛、午餐肉、芝士肠）整体来讲佢嘅海鲜简直冇得弹，贝壳类唔会食到沙，多宝鱼鱼肉非常嫩滑，虾同蟹肉质弹牙且非常之鲜甜，仲有唔少蟹膏添！真正食得出新鲜二字既精粹！（只虾生猛到仲发生咗件虾碌事，就系我朋友一打开碟虾即刻跳咗一只落地下）而自选火锅配料当中，令我最惊讶嘅系肥牛！本身以为佢哋主打海鲜火锅，所以对肥牛都唔会太大嘅期望，谂住应该系街市最近𠮶啲牛，点上到菜见到质素好靓，真心惊喜！打完边炉之后就会有店员过嚟帮你整返个粥，成个份量都几多㗎，食到好饱！而且店员嘅服务都好好，周不时会过嚟留意吓你个煲仲够唔够水。