粗菜館

营业中

休息中

一直好钟意嚟九龙城食饭，因为呢度好有烟火气，各种炒菜我都好钟意，虽然餐厅环境唔大，试过之后觉得炒菜口味好惹味，真系好值得一嚟…点咗例汤，汤料好足，口感好香甜，例汤每日随机，我哋𠮶日系红萝卜同粟米汤…点咗招牌嘅炒猪杂，呢个系佢哋嘅招牌菜，真系必点嘅，锅气好足炒得好香，另外点咗荷叶蒸鳝鱼，呢个菜系有啲酸梅酱嘅口味，酸酸地啱啱好去咗鱼腥味，鱼肉仲系好有口感嘅，少量鱼骨。仲有一份豉椒炒鸭肠，鸭肠真系好爽口啊，最后好推荐葱油鸡，真系好有嚼劲，系走地鸡嘅味道，鸡味浓好好食，猪油渣菜心都嚟咗一份，每次大排档都会点嘅，然后猪油拌饭都好值得一试！粗菜馆 (九龙城) 九龙城衙前围道17A号地舖