味之時計台 (已結業)

肚仔饿又近MTR就试吓，餐牌同其他拉面店都差不多，见佢有虾汤底试吓，我点了虾味盐汤底拉面，可能下午茶时间所以冇咩人，落单后好快就有得食，碗拉面嚟到即刻闻到好香嘅虾味，拉面整体外观好靓，颜色吸引，望落啲𩠌好丰富，有用火炝烧过嘅五花腩两片，温泉蛋半只，紫菜两片，樱花虾、木耳丝、荀、芽菜、菜丝、洋葱、葱花（我叫走葱）。首先饮一啖汤，虾味汤底好浓，够热，咸味适中，好适合配搭拉面，每样𩠌都独立试咗一啖，除咗五花腩太多肥油（因为我唔太钟意肥糕）同啲菜丝有重青味外，其他𩠌都好食，另外主角拉面实在大杀风景，拉面第一口食落面质有啲硬，夹起拉面太短太碎，冇拉面感觉，好似食紧面尾或者系厨房用净嘅面碎，真失败一间拉面店收咁贵价钱，应俾返啲有水准嘅拉面俾客人食，除咗汤底好，拉面唔得令人失望😞