火鍋英雄 (已結業)

呢间火锅店午市原来有做午市套餐，有午市客饭亦有面餐，选择好多我叫咗担担面，朋友叫咗水煮牛肉面同埋麻婆豆腐饭。面餐包两款前菜及饮品，已客饭套餐则包汤及菜。餐厅环境装修得几古典，好有中国风味几靓。而且座位宽敞，坐得舒服，午时时间12点左右冇咩人，所以亦都唔会赶你走。先讲担担面担担面真系好有惊喜真心觉得好好食面质系我钟意食嘅一种，有四川风味，而且汤底好浓辣味好香，但系又唔会超级辣，花生麻酱味道刚刚好，食完唔会太滞。 而且肉碎够多，捞面啱啱好所以呢个面我觉得好好食前菜就有麻辣云耳同埋麻辣青瓜，呢个我觉得都几辣可能我唔系食得好辣。朋友食水煮牛肉面，佢话辣得好过瘾，好好食不过真系好辣，食到出晒汗麻婆豆腐饭我都试咗，我觉得个辣辣得好特别。同普通一般嘅麻婆豆腐唔同，不过都系偏辣。豆腐好滑，夹埋啲汁捞饭简直一流 客饭套餐碟菜都唔少，份量非常正常合理。而且汤系有啲似肉骨茶，味道香浓都几好饮叫咗生姜蜜，以为真系冲好咗，但系好搞笑，佢系用茶包嘅姜茶冲，然后自己加蜜糖午市套餐几抵食，面餐六十几，客饭餐七十几再加一。食物质素高环境坐得好，推介