影片
更多
2022-06-08
465 浏览
终于！终于比我嚟到食啦！！真系劲开心！！(⁎⁍̴̛ᴗ⁍̴̛⁎)我一直同男朋友讲咗好耐好想食，但因为太远，所以我哋一直都未去到食。然后我终于说服到我男朋友陪我一齐食！！woohoo！(^з^)-☆------------------------------讲返正题先！( ̀⌄ ́)之前已经有听闻过呢一间嘅煲仔饭几好食，有饭焦得来又唔会过晒龙搞到苦！我住开个头得连锁店有煲仔饭食，啲煲仔饭一系冇饭焦，一系就过晒龙劲苦。所以我终于试到究竟呢一间系咪真系啲人讲到咁好食。------------------------------我自己就嗌咗个北菇鸡煲仔饭。个煲仔饭嚟到，个姐姐就俾咗豉油同埋猪油俾我哋，仲教我哋点样做。🥰落晒所有嘢等咗两三分钟，终于有得食啦。自己就觉得啲𩠌就冇乜特别，所以我就唔多讲，我期待嘅系佢嘅饭焦。佢个饭焦好容易刮到落嚟，唔使要系咁铲佢出嚟。然后个饭焦系啱啱好，完全系金黄色😍😍，唔会黑到好似炭屎咁，脆卜卜，超好食，完全满足到我呢一个钟意食饭焦嘅人。😋😋本身我男朋友有啲担心会唔会好细个，因为佢早排喺庙街食嘅煲仔饭好细个得来又唔算太好食，但个煲仔饭嚟到，佢都话几大兜，而且最后佢都食得饱。😎😎-
------------------------------
讲返正题先！( ̀⌄ ́)之前已经有听闻过呢一间嘅煲仔饭几好食，有饭焦得来又唔会过晒龙搞到苦！我住开个头得连锁店有煲仔饭食，啲煲仔饭一系冇饭焦，一系就过晒龙劲苦。所以我终于试到究竟呢一间系咪真系啲人讲到咁好食。
------------------------------
我自己就嗌咗个北菇鸡煲仔饭。个煲仔饭嚟到，个姐姐就俾咗豉油同埋猪油俾我哋，仲教我哋点样做。🥰
落晒所有嘢等咗两三分钟，终于有得食啦。自己就觉得啲𩠌就冇乜特别，所以我就唔多讲，我期待嘅系佢嘅饭焦。佢个饭焦好容易刮到落嚟，唔使要系咁铲佢出嚟。然后个饭焦系啱啱好，完全系金黄色😍😍，唔会黑到好似炭屎咁，脆卜卜，超好食，完全满足到我呢一个钟意食饭焦嘅人。😋😋
本身我男朋友有啲担心会唔会好细个，因为佢早排喺庙街食嘅煲仔饭好细个得来又唔算太好食，但个煲仔饭嚟到，佢都话几大兜，而且最后佢都食得饱。😎😎
------------------------------
我已经决定咗下一个冬天我一定要再拉我男朋友嚟食。🔥🔥
张贴