詩餅坊

营业中

休息中

食店的位置对我黎讲唔太方便, 但我都有为左佢专登去过几次, 就系为左呢个绿茶红豆蛋糕, 第一次食系有个朋友请食的, 一试爱上, 我觉得佢系呢间饼店既不二之选, 有买过其他口味蛋糕黎食, 但都系呢个最好味, 同样我都认为呢度既红豆蛋糕系我食过最好味的, 我本身好钟意食经常会攞黎做甜品既材料好似红豆, 栗子, 开心果, 腰果, 蕃薯等等...但我只喜欢食佢地既真身, 当佢地变成甜品就会变得唔好味, 走晒样, 得个甜字甚至有D既味道会变得好假, 只系得返D食物既颜色系度。但呢个绿茶红豆蛋糕唔会, 食得出佢既原味, 唔太甜, 蛋糕松软湿润, 围住外面既𠮶层绿茶脆脆令到成个蛋糕有多一种层次, 令口感更丰富, 绿茶同红豆互相又唔会掩盖对方既味道, 十分推介。