Running 燒 (已結業)

差不多成半年无食过烧肉餐厅，今日决定同朋友近近地系楼下揾间韩烧铺头，发现popcorn开咗呢间running烧，好似几抵食，环境都唔错。决定拣258蚊一位110分钟任食嘅plan。用QR code点菜都几方便，肉类种类都够，净系牛肉都五花八门，今餐主要系叫咗肥牛卷、雪花牛仔肉、西施牛肉。最好食系西施牛，烧出黎完整一片，意想不到系入口即溶，另外叫咗五花腩同埋猪颈肉，呢两款菜系韩烧必点。多汁juicy，都翻点咗几轮。菜bar入面都都有必要嘅生菜同埋泡菜，包住啲肉类黎食先系传统嘅韩式烧肉。菜bar都有烧烤菇、青椒、金菇牛油粟米呢啲绝佳配搭。另外有叫其他嘅海鲜类，有扇贝、带子同埋生蚝，贝壳类食物夹埋芝士一齐烧真系无敌。韩式烧肉店除咗烧烤类食品，仲有主食类，我地叫咗一个水冷面同埋一份辛辣面。另外配菜类都有好多选择，有中式汤水/糖水。甜品都有几款特色野，木糠布甸、法式迷你忌廉tart等。雪糕就有dreyer低卡雪条，食完烧肉整一条可以解腻。对于呢间韩烧店整理评价好好，店内仲要有近期最红嘅香港明星，mirror嘅音乐。连送餐嘅机器人都系播mirror成员嘅歌，镜粉绝对要黎呢间餐厅。