影片
更多
2023-05-27
177 浏览
📌 蚝湾 (金巴利道) - 尖沙咀金巴利道73号新业广商业大厦地下A舖🗓(18/5) 星期四 ⏰ 晚上7点左右 💈特式：我好钟意食蚝，尤其是生蚝，因为新鲜生蚝比起焗蚝/炸蚝更鲜甜好食，但香港真系食蚝出色嘅餐厅唔多，上网揾到呢间蚝湾，佢有尖沙咀同天后两间分店，我今日就去左试佢尖沙咀嘅分店。🥩🍔🌭🌮🥗🥯🥘🍲🍝🍣🥟🍤🍱食物：店员介绍左几款生蚝系今日推介，所以我都系散叫左一个拼盘，另外仲叫左一个活蚬汤同一个龙虾意粉，而家等我同大家讲下🦪味道先。海鲜拼盘 total$520 - 我散叫左3款生蚝各2只，法国蓝虾2只，车厘蚬2只，北海道带子1粒。Cocollos size No.2 ($43/只）Tia Maraa ($44/只）Gillardeau size No.1 ($58/只）店员有好细心讲解食嘅次序，由淡至浓，每只都好新鲜，不过讲真佢地嘅口感/味道分别就唔大，但当中要拣一款最好食的话，就系Gillardeau，除左佢系最大只之外，亦都系海水味最强，而且少少咸嘅海水味中亦出到鲜甜嘅味道。法国蓝虾 ($48/只）法国蓝虾食落个口感唔似一般日式甜虾或者牡丹虾，肉质好实净同爽
🗓(18/5) 星期四 ⏰ 晚上7点左右
💈特式：我好钟意食蚝，尤其是生蚝，因为新鲜生蚝比起焗蚝/炸蚝更鲜甜好食，但香港真系食蚝出色嘅餐厅唔多，上网揾到呢间蚝湾，佢有尖沙咀同天后两间分店，我今日就去左试佢尖沙咀嘅分店。
🥩🍔🌭🌮🥗🥯🥘🍲🍝🍣🥟🍤🍱
食物：店员介绍左几款生蚝系今日推介，所以我都系散叫左一个拼盘，另外仲叫左一个活蚬汤同一个龙虾意粉，而家等我同大家讲下🦪味道先。
海鲜拼盘 total$520 - 我散叫左3款生蚝各2只，法国蓝虾2只，车厘蚬2只，北海道带子1粒。
Cocollos size No.2 ($43/只）
Tia Maraa ($44/只）
Gillardeau size No.1 ($58/只）
店员有好细心讲解食嘅次序，由淡至浓，每只都好新鲜，不过讲真佢地嘅口感/味道分别就唔大，但当中要拣一款最好食的话，就系Gillardeau，除左佢系最大只之外，亦都系海水味最强，而且少少咸嘅海水味中亦出到鲜甜嘅味道。
法国蓝虾 ($48/只）
法国蓝虾食落个口感唔似一般日式甜虾或者牡丹虾，肉质好实净同爽脆，味道就无牡丹虾咁重虾味。
车厘蚬 ($48/只）
车厘蚬就非常新鲜，又无沙。
北海道带子 ($38/粒）
带子size好大粒，应该系3XL级数以上，味道鲜甜爽口，一粒开半都仲有成粒擦胶咁大粒。
清酒蒜蓉煮活蚬汤 $238 - 呢个活蚬汤我上网见好多人都叫，所以都叫嚟试下，汤入面有大约15~6只蚬，只只都有成两个5蚊银咁大，同埋只只都极之甜，个汤入面就有d芹粒/蒜粒/黑椒，好香，我一滴不留咁饮晒。
龙虾忌廉意粉 $198 - 个意粉上枱好靓，同埋系用我钟意嘅扁意粉，挂满杰身嘅酱汁，味道好香浓，龙虾肉亦好爽口弹牙。
☕️🍵🥤🧋🍺🍷🥃🍹🧉🍾🍶🥛
饮品 : 始终都系主力食海鲜嘅餐厅，红白酒种类一d都唔少，另外仲有汽酒/Cocktail/啤酒等等，非酒精饮品就比较普通。
🍽环境：餐厅占地就唔算好大，墙身就用水泥风格装饰 ，坐位就一边系长卡位，另一边就有几张4人枱，佢地d櫈都几好坐，枱面又阔落，整体感觉都好舒服。如果你有order生蚝/海鲜盆嘅话，枱面会放个架用嚟托起盆海鲜，唔知有咩用，不过就一定会影相靓d🤣。
🤵🏻🤵🏻♀️🤵🏻♂️服务：餐厅职员态度非常好，因为佢地生蚝嘅选择十分多，所以店员会详细讲解唔同产地来源会有咩唔同口感/味道之类，当中都学到唔少同蚝有关嘅智识。
💰💸价钱：今日主力食生蚝同新鲜海鲜，所以都预左要返咁上下价钱，埋单就系$1,000左右，系尖沙咀食一餐咁嘅海鲜，呢个价钱都属正常档位。
🐲💬总结：我觉得佢地d生蚝真系好新鲜，店员有提过佢地对生蚝嘅品质控制好严格，只会选取最时令最优质嘅蚝，以免影响餐厅声誉。我觉得呢点我都好欣赏，期待下次唔同季节会再嚟食佢地其他唔同品种嘅生蚝啦。
推荐指数：❤️❤️❤️❤️🤍
海鲜拼盘
$520
6 浏览
0 赞好
0 留言
海鲜拼盘
$520
12 浏览
0 赞好
0 留言
清酒蒜蓉煮活蚬汤
$238
10 浏览
0 赞好
0 留言
清酒蒜蓉煮活蚬汤
$238
7 浏览
0 赞好
0 留言
龙虾忌廉意粉
$198
130 浏览
0 赞好
0 留言
张贴
