影片
更多
2021-12-17
19 浏览
好多时sell怀旧老香港嘅餐厅我都会提高警惕，顾得主题就顾唔到味道似乎系定律，但今晚打破晒我既定印象，用料靓、定价又亲民，啱晒我呢啲麻烦友。冬甫美人锅 ($198)塞满左杂菜冬瓜同半只鸡，仲有桃胶同竹笙，啱晒女仔口味得黎好足料，基本上唔使点叫菜都够食。 汤底好浓郁似老火汤，好多时经历咗各式肉类嘅洗礼之后汤底都油到爆，欣赏店员好主动帮手撇油，我唔怕死撇油之后试吓饮个汤，结果停唔到口，去到尾段都仲系老火汤嘅味道唔会咸，就知道有几正。特级手切牛肉 ($368)不讳言我每次打边炉最着重都系碟牛肉，每次都会做足功课睇定边款最好食，好开心今晚可以一击即中。 净系睇仅仅熟喺灯光下嘅油花已经知道唔会差，入口嫩滑有牛味，最正嘅系咀嚼间感受到油脂好丰富，食咗几旧男朋友已经话想叫多碟。梅花黑豚肉 ($108)可以话系边炉界数一数二咁好食。 猪肉好多时怕唔熟都会煮比较耐，所以干啲都系常见。 估唔到呢度嘅梅花黑豚肉煮到全熟再耐少少都依然好软身，好钟意大大块厚度适中，系塞满成个口嘅幸福感，重点当然系食到猪鲜味，用来做日式高级火锅材料都唔失礼。即炸响铃 ($58)可以话系我食过最出色嘅即炸响铃，透薄酥脆唔油腻。 轻
冬甫美人锅 ($198)
塞满左杂菜冬瓜同半只鸡，仲有桃胶同竹笙，啱晒女仔口味得黎好足料，基本上唔使点叫菜都够食。 汤底好浓郁似老火汤，好多时经历咗各式肉类嘅洗礼之后汤底都油到爆，欣赏店员好主动帮手撇油，我唔怕死撇油之后试吓饮个汤，结果停唔到口，去到尾段都仲系老火汤嘅味道唔会咸，就知道有几正。
特级手切牛肉 ($368)
不讳言我每次打边炉最着重都系碟牛肉，每次都会做足功课睇定边款最好食，好开心今晚可以一击即中。 净系睇仅仅熟喺灯光下嘅油花已经知道唔会差，入口嫩滑有牛味，最正嘅系咀嚼间感受到油脂好丰富，食咗几旧男朋友已经话想叫多碟。
梅花黑豚肉 ($108)
可以话系边炉界数一数二咁好食。 猪肉好多时怕唔熟都会煮比较耐，所以干啲都系常见。 估唔到呢度嘅梅花黑豚肉煮到全熟再耐少少都依然好软身，好钟意大大块厚度适中，系塞满成个口嘅幸福感，重点当然系食到猪鲜味，用来做日式高级火锅材料都唔失礼。
即炸响铃 ($58)
可以话系我食过最出色嘅即炸响铃，透薄酥脆唔油腻。 轻轻渌三秒，稍为吸到汤汁，同时又好似食紧炸物咁嘅口感，非常完美。 难怪配左兜甜酸汁，其实直接食都唔过分。
张贴
