鐵牛台灣牛肉麵 (金巴利道) (已結業)

再度光临，同朋友们可以话系铁牛既粉丝。因为系香港揾间好食既台湾野又正宗真系有难度。铁牛可以话系数一数二环境摆设都好有特色的，而呢间分店亦好宽敞。仲有好抵食既lunch 同tea set。黑糖姜母茶、杞子桂圆红枣茶，跟餐每杯有优惠价，只系$13。前者姜味强劲、后者则材料十足！芝士花枝丸$39，花枝丸爱好者必试，十分香脆，再加埋热辣辣既芝士，正！推介卤味拼盘$48，有大大旧既猪大肠、卤水蛋，呢两款都非常入味。而猪耳亦好爽，呢个拼盘配搭得好好，真系好正！肉燥拌青菜$36，爽脆新鲜既生菜，配以肉燥碎加汁，同平时只落豉油既，别有一番风味。鲜蕃茄大块牛肉面$69，名符其实既三大块牛肉，配以新鲜蕃茄，个汤底又不油腻，忍唔住饮左大半碗汤红烧牛筋腩面 $63，浓浓既汤地，好香。牛筋牛腩都系高质，系好肉嫩。夜市小香肠卤肉便当$62，小香肠系台湾夜市食到既质素，好似去左一转台湾甘。便当有三小碟前菜，岩哂女孩子既胃又刚刚好。