影片
更多
2022-07-03
686 浏览
特别日子想食返啲特别嘢，咁啱大佬话佢未食过铁板烧，就上网做下资料搜集。见哩间餐厅有Anson Lo加持，环境几靓，Lunch去仲有折就黎试下。入到餐厅第一个感觉系好高档，入面分左好多个Area，仲有好多个铁板Bar枱包厢。睇完Menu拣左个两位用嘅午市商务铁板烧套餐配薄烧美国牛肉（$1380）。餐入面睇落唔算好多嘢食，师傅会拎哂你嗌嘅海鲜出黎俾你睇同影相先，然后就开始准备食材。🥢前菜系一小碟蚬，食落有少少咸，冇乜特别。🥢沙律有少少惊喜，系菠菜苹果汁沙律，芦荟粒上面仲有小鱼干增加口感，整体食落酸酸甜甜，好开胃！🥢刺身三款分别系吞拿鱼赤身，牡丹虾同金枪鱼。赤身食落冇筋。牡丹虾好鲜甜。金枪鱼带住淡淡嘅鱼味，估唔到又几好食。🥢然后就开始入戏肉，首先系南非鲍鱼，师傅只系用左好简单嘅盐同黑椒调味，仲烧到表面有少少金黄色好吸引，食落好嫩口一啲都唔会熟过头，调味简单但可以带到鲍鱼嘅鲜味出黎，好好食呀！🥢食完鲍鱼有烧野菜清一清个口嘅味道，有菇、露荀、红椒同珍珠荀每样都烧到金黄色，食落系野菜嘅清甜。🥢到本日海鲜系银鳕鱼，都系用牛油、盐同黑椒就已经够，好香口，又有鱼嘅鲜味。🥢然后到送嘅活龙虾，特别在师傅用龙
入到餐厅第一个感觉系好高档，入面分左好多个Area，仲有好多个铁板Bar枱包厢。睇完Menu拣左个两位用嘅午市商务铁板烧套餐配薄烧美国牛肉（$1380）。餐入面睇落唔算好多嘢食，师傅会拎哂你嗌嘅海鲜出黎俾你睇同影相先，然后就开始准备食材。
🥢前菜系一小碟蚬，食落有少少咸，冇乜特别。
🥢沙律有少少惊喜，系菠菜苹果汁沙律，芦荟粒上面仲有小鱼干增加口感，整体食落酸酸甜甜，好开胃！
🥢刺身三款分别系吞拿鱼赤身，牡丹虾同金枪鱼。赤身食落冇筋。牡丹虾好鲜甜。金枪鱼带住淡淡嘅鱼味，估唔到又几好食。
🥢然后就开始入戏肉，首先系南非鲍鱼，师傅只系用左好简单嘅盐同黑椒调味，仲烧到表面有少少金黄色好吸引，食落好嫩口一啲都唔会熟过头，调味简单但可以带到鲍鱼嘅鲜味出黎，好好食呀！
🥢食完鲍鱼有烧野菜清一清个口嘅味道，有菇、露荀、红椒同珍珠荀每样都烧到金黄色，食落系野菜嘅清甜。
🥢到本日海鲜系银鳕鱼，都系用牛油、盐同黑椒就已经够，好香口，又有鱼嘅鲜味。
🥢然后到送嘅活龙虾，特别在师傅用龙虾膏整左个汁连埋龙虾一齐食真系好好食，好香嘅虾膏唔会盖过左龙虾嘅味道，两样嘅辅相成，觉得成个餐最好食就系哩个。
🥢第二个戏肉系薄烧美国牛肉，师傅加左一堆炸蒜同葱用和牛包住，烧完仲放左喺块印有板神嘅多士上面，用黎影相打咭一流，仲可以帮佢宣传下间舖！牛肉放左喺多士上面吸左多余嘅油，食落口冇咁油，而且炸蒜增加左口感同葱一齐令到个牛冇咁腻。而牛嘅油脂分布适中，唔会话成啖油或成啖肉，师傅烧到5成熟，肉质一啲都唔韧，唔错唔错。
🥢食完一堆重口味嘢，饮返个面豉汤先。汤加左头先只龙虾嘅头头尾尾落去煮，饮落唔系好觉有龙虾味。
🥢渍物就系青瓜同牛蒡，冇乜特别。最后就系传说中嘅Anson Lo炒饭，炒饭嘅材料冇乜特别，但就炒得几干身，调味都比较啖。
🥢最后嘅甜品系焦糖多士出奇地好食，本身冇乜期待，但食落好香焦糖味，多士外层金黄香脆，入面又好松软，食唔哂个炒饭都要食哩个多士。
🥢除左个餐仲嗌左一杯橙汁（$48）同苹果汁（$48），饮落系好似新鲜榨嘅味，有啲意外！
最后埋单两个人一共$1462，铁板黎讲唔算贵，食材都新鲜，可以再战！
8 浏览
0 赞好
0 留言
8 浏览
0 赞好
0 留言
6 浏览
0 赞好
0 留言
7 浏览
0 赞好
0 留言
3 浏览
0 赞好
0 留言
3 浏览
0 赞好
0 留言
2 浏览
0 赞好
0 留言
4 浏览
0 赞好
0 留言
10 浏览
0 赞好
0 留言
4 浏览
0 赞好
0 留言
3 浏览
0 赞好
0 留言
4 浏览
0 赞好
0 留言
张贴
