Hungry Monkey (金朝陽中心二期 - Midtown)

营业中

休息中

环境4分：新潮酒吧餐厅格局，楼面超高。门口吧位包围住个开放式厨房 ,一目了然，可以畀四分。卫生5分：地方好整齐，张张枱都有板隔开，卫生可以畀五分。服务5分：服务员招呼周到，会介绍同解释Ｄ菜，仲会不断同你换碟加纸，服务满分。味道4分：1)     头盘沙律系蕃茄，原只蕃茄一开八，上面加左D蒜蓉，D沙律汁有少少酸少少甜， 非常开胃。2)     辣酒冻花螺，D汁唔算好辣，唔系好食得辣嘅人都ok，花螺细细只，食得出好新鲜。3)     豆芽韭菜花炒砂肝筋，芽菜仔同韭菜花好新鲜，D肝筋好爽。4)      香葱牛肉薄烧虽然睇落去系全熟， 但食落去又唔会韧，入面D葱蒜都好足。5)      牛脷薄烧，牛脷切到非常薄薄一片，然后上面加D葱蒜，非常惹味。6)      日本原只帆立贝非常厉害大大只，仲大只过手掌，烧出嚟啱啱好，帆立贝鲜甜，不需太多调味食得出帆立贝嘅鲜味，值得一试。7)      烧蚝一碟四只，大大只，唔会韧。8)      最后送上甜品，有新鲜蜜瓜同提子各两旧。抵食5分：日式铁板烧晚餐通常都系比较贵，但系呢度平均每碟一百蚊都唔使就有一款主菜肉类，非常超值，抵食可以畀五分。