影片
更多
2011-10-12
984 浏览
我和大家姐 (其实系我老婆嘅大家姐先啱) 系同月同日生，所以每年都一齐庆祝生日，今年都冇例外；老婆就特登系秋田book咗间房，帮我哋庆祝。其实要食好嘅铁板烧，系香港岛，尚有几间可以选择，但秋田却总可以俾到一些惊喜给客人，尤其系一d未黎过嘅朋友。今次系book咗诺士佛台嘅分店，虽然开咗都差不多一年，但系就未黎过。分店系座落于诺士佛台中间位置，系”响”对面。一步入诺士佛台分店，店舖唔大，中间系通道，两边系吧枱，左边系铁板烧枱，有两枱，右边系寿司枱；再行入d，就有两间铁板烧房，我哋就坐系最入𠮶间房，如坐满的话，可以容纳十人。一坐下，先点一枝sake，我哋一行五人 (其中一位仲系中学生)，对sake都冇咩认识，只要纯滑，易入喉，唔辛口，就可以，以往饮过”上善如水”，觉得完全符合我哋嘅要求，所以就谂著照旧，但系服务员建议我哋试第二支sake”淡丽吟酿”，佢话”上善如水”真系清淡如水，唔够香，呢支”淡丽吟酿”相比之下，必定比”上善如水”好，我哋有d犹疑，一来唔知是否啱饮，二来又唔知𠮶服务员是否可信，𠮶服务员见我哋犹疑之际，就二话不说，揣来两杯sake，让我们自行判断；正所谓一试便知龙与凤，两杯sa
其实要食好嘅铁板烧，系香港岛，尚有几间可以选择，但秋田却总可以俾到一些惊喜给客人，尤其系一d未黎过嘅朋友。
今次系book咗诺士佛台嘅分店，虽然开咗都差不多一年，但系就未黎过。
分店系座落于诺士佛台中间位置，系”响”对面。
一步入诺士佛台分店，店舖唔大，中间系通道，两边系吧枱，左边系铁板烧枱，有两枱，右边系寿司枱；再行入d，就有两间铁板烧房，我哋就坐系最入𠮶间房，如坐满的话，可以容纳十人。
一坐下，先点一枝sake，我哋一行五人 (其中一位仲系中学生)，对sake都冇咩认识，只要纯滑，易入喉，唔辛口，就可以，以往饮过”上善如水”，觉得完全符合我哋嘅要求，所以就谂著照旧，但系服务员建议我哋试第二支sake”淡丽吟酿”，佢话”上善如水”真系清淡如水，唔够香，呢支”淡丽吟酿”相比之下，必定比”上善如水”好，我哋有d犹疑，一来唔知是否啱饮，二来又唔知𠮶服务员是否可信，𠮶服务员见我哋犹疑之际，就二话不说，揣来两杯sake，让我们自行判断；正所谓一试便知龙与凤，两杯sake一试，证明𠮶服务员所言属实，”上善如水”果然比下去，”淡丽吟酿”比”上善如水”香甜，一样易入口，唔辣喉，再看一看价钱，只需$438一支，不比”上善如水”贵，所以我哋就要了一支；同时，我哋亦对呢位服务员另眼相看；事实上，呢种服务态度及敬业精神，系完全值得我们学习，值得赞赏。
我哋点咗个”松板”四人前套餐，每位$888，但系𠮶服务员话依家已经冇再用松板和牛，转用鹿儿岛和牛，其他嘅食材都冇变，我哋冇所谓，照落单；因跟餐只得四件拖罗，所以我哋额外加多一件，另外再加多一份”竹”刺身盛$598和一碟雪场蟹拼松叶蟹$428。未食刺身前，我哋嘅King师傅先为我哋炮制鹅肝蒸蛋，其实做法都非常简单，只要将鹅肝放入鸡蛋内，一齐蒸熟便可以，火喉反而更重要，蒸得太耐或太短都唔好食，蒸熟后，再放些飞鱼子上面，便大功告成；入口，热腾腾，飞鱼子味唔浓，并冇抢走蛋香和鹅肝嘅味道，只系俾食客嫩滑中带丁点爽脆嘅咬感，发挥咗画龙点睛嘅效用。
因刺身准备需时，服务员亦好醒目地揣上一碟烧鱼翅拼鸡泡鱼干，等我哋可以一边食，一边等；两者都烧得干身，不过烧鱼翅味较鸡泡鱼干淡，而且亦比较韧，我就比较喜欢鸡泡鱼干。
”竹”刺身盛和拖罗一齐上，刺身盛内里有牡丹虾、海胆、秋刀鱼 (因为池鱼沽清，所以转做秋刀鱼)、赤贝、章红、彷佛鱼，仲有一种唔记得咩名嘅鱼；当中，秋刀鱼最难食，有少少腥味，质地亦唔爽甜；另外，彷佛鱼就比较特别，平时比较少食，质地同一般白肉鱼差不多，味唔浓，几鲜甜；牡丹虾亦颇大只，非常甜美，入口仲有黏口嘅感觉；最正嘅当然系拖罗，跟餐𠮶四件比较细，尚可称半肥美，油脂唔算多，但均匀，入口都非常香滑，散叫𠮶件当然大d，不过要$100一件，都颇贵，但比跟餐𠮶四件更肥美。
刺身过后，就轮到雪场蟹拼松叶蟹，每款四件，鲜味，肉汁充沛，但雪场蟹唔够肥大，有d瘦削，始终食肥大嘅雪场蟹系比较开心，比较满足；至于松叶蟹，当然比雪场蟹更鲜味，更有蟹味。
一轮冲刺后，King师傅开始为我哋下厨，首先，当然系海鲜啦，龙虾与鲍鱼；龙虾系印尼来的，都几大只 (每只需加$80！)，非常生猛；鲍鱼则是澳洲来的，大过只手掌，更生猛，哈哈。King师傅先将两只龙虾放上铁板，把龙虾肚烧至半熟，跟著就用纯熟嘅手法，把龙虾嘅头与身分开，再将龙虾壳除掉，虾膏就起出来煮汁，再淋上龙虾肉，未食，已闻到浓郁嘅香味，金黄色嘅虾膏，铺系煎香嘅龙虾肉上，卖相已经够吸引，食入口，首先系尝到浓郁嘅虾膏香味，再咬落去，就尝到龙虾嘅鲜味，虾肉亦爽口弹牙，五个人分享两只龙虾，每人嘅份量都唔少。
至于虾头和虾壳，先摆好𠮶堆，再赞酒，后点火，哈哈，似玩把戏多d，不过，都几过瘾，可以将气氛推高，及后，就会将d虾头和虾壳，攞去熬汤。龙虾过后，轮到鲍鱼，亦都系一贯嘅做法，将鲍鱼起壳后，再切簿片，加入适量嘅调味，包括盐、黑椒、牛油、豉油等，好快就食得；食鲍鱼，最怕韧，但King师傅嘅火喉，刚刚好，一d都唔韧，惹味之余，亦唔会将鲍鱼嘅鲜味盖过，唔错。
接著下来，就系鹅肝多士，原本谂著加多一份，但系King师傅话可以帮我哋分做五份，所以唔驶加钱加多一份，嘻嘻，King师傅先将五块法饱放系铁板嘅边缘，微微将佢烘热烤焦，再用大火把鹅肝煎香，把鹅肝嘅油份锁著，再加盐、黑椒、红酒同豉油，冇错，系豉油，我原本以为系黑醋，但King师傅话𠮶支唔系黑醋，系豉油，下次等我都试吓用豉油煎鹅肝先，哈哈；鹅肝表面煎得焦脆，放系法饱上面，可以让多余嘅油份流入法饱内，一来，入口时唔会有多余嘅油份，二来，𠮶法饱又可以吸收鹅肝油嘅香味，一举两得；外脆内软，香味十足，但系法饱虽然可以吸油，但系我就比较喜欢煎鹅肝配青苹果，因为青苹果嘅酸味，可以令人忘记咗鹅肝嘅油腻，口感上与心灵上都可以得到无限嘅慰藉，反而法饱则令人有一种饱滞嘅感觉，所以身旁两位女仕，都冇法尽情享用呢件鹅肝多士，我哋两位男仕只好一尽绅士风度，把什么胆固醇、脂肪等等抛诸脑后，勉为其难地一人食多半件，哈哈。
主角出场啦，系鹿儿岛A5和牛，好大块，服务员话足足有16安士，颇厚身，中间嘅雪花都颇均匀，红白交错，几吸引，只可惜其他部位就比较差，有两、三个位置，明显地比较肥，King师傅好细心地将中间最靓嘅部位切出，先用一块肥膏起镬，再用猛火把和牛两面煎香，将肉汁锁著，最后，把和牛四边烘一烘，前后唔驶三分钟，一块medium rare嘅和牛已经处理好，King师傅把和牛切开，每人仅分配到两小块，哈哈；外面香脆，入面呈粉红色，清楚见到牛肉嘅纹理，睇见已经觉得肉汁丰富，忍唔住，一啖咬落去，肉质非常柔嫩，有嚼头，但唔韧，亦冇渣，肉汁丰富，香味十足，油份则比预期少，反而唔觉肥腻，上品。
至于其余嘅部位，King师傅将d比较肥嘅部位切起备用，其他嘅半肥瘦，则加入盐、黑椒、豉油等爆香，食落都颇重肉香味，有嚼头，佐酒唔错。正当我哋回味之际，服务员就为我哋揣上龙虾清汤，并非味噌汤底，系清汤，入面只有两只蚬仔和两片萝卜，味道清甜，但海鲜味则欠奉，食完鹅肝与和牛，都好应该呷一口清汤来缓和一吓。
同一时间，King师傅已为我哋准备炒翠肉瓜，除咗一贯嘅盐、黑椒、牛油、豉油外，仲加咗d水同蒜茸，炒起都颇香口惹味。
未正式炒饭前，当然系秋田嘅招牌表演，今晚King师傅为我哋炮制咗一只松弛熊和一只Winnie the Pooh，等我哋两个寿星仔女，一人一只唔驶争，哈哈；King师傅跟著就使出拿手好戏，用镬铲，将只蛋抛高，待只蛋趺落镬铲嘅边，等d蛋黄沿著镬铲边滴到铁板上，为我哋写上祝福嘅happy birthday，非常精彩，小朋友更睇得开心。搅完一轮后，加d烟肉、樱花虾，同埋头先嘅和牛肥膏，就炒埋一碟，成为秋田嘅和牛膏炒饭；饭，够干身，粒粒鲜明，炒得不错，亦有香味，因为有樱花虾和飞鱼子，有爽脆咬感，唔错，反而和牛膏则不能带来肉味，而且有d韧，不要也罢。
甜品，当然系叮当饱啦，不过我哋要求唔要红豆馅，换成雪糕馅，我要绿茶味，佢哋四个都系要芝麻味；King师傅将d蛋浆放上铁板，当饼皮差不多ok时，King师傅就用对讲机，叫人把雪糕奉上，因为太早攞入来，溶哂都未搅掂，King师傅随手就将雪糕球一个一个咁放上去，再用另一块饼皮盖上，用镬铲轻轻一压，就迅速地放到我哋面前，仲叫我哋怏d食，否则后果自负，哈哈；一咬入口，𠮶种外热内冷嘅感觉，非常诱人，除咗感觉到软熟嘅饼皮同软滑嘅雪糕外，咩嘢味道都感觉唔到，只系觉得暖中带冻，非常过瘾，甜度，唔觉得好甜，相信好多朋友都可以接受得到，只要你一试，包你上瘾，其他甜品都唔驶试，哈哈哈。
因为我哋生日，秋田仲特登送咗𠮶朱古力蛋糕俾我哋 (其实只要book枱时同佢哋讲低，佢哋就会安排)，虽然细细个，味道亦都一般，但系就非常窝心，令人每每帮朋友搅生日饭局，都会谂起秋田。
是日结算$5,800，平均每人$1,160，不过今晚系老婆请客，多谢老婆。张贴
