天寶鐵板燒 (已搬遷) 新店位置

餐厅新开张，刚巧在公司附近；当然要试一试啦。午餐set有平有贵，一般2、300至$1000几两位都有。由于未知质素如何，所以先试咗$300咁上下嘅餐先，如果好食，下次先食贵啲。先嚟一个沙律，正常嘅鹅肝加面包，未煎前会俾你望吓影吓相先虾好大只、银雪鱼一件、蚝三粒；又喺未煮前俾你望吓影吓相先煎好嘅鹅肝：由于我同朋友叫两个餐，然后捞乱食，所以块鹅肝喺切开咗一半嘅size。好肥美，块面包吸晒鹅肝嘅油，好邪恶呀～～～银雪鱼块皮煎到脆卜卜、虾肉弹牙鲜甜一边食一边睇住师傅为你准备美食美国牛扒厚烧：餐可以拣薄烧、厚烧、A5和牛（当然唔同价钱啦）。由于小妹乃大胃王一名，薄烧实在惊会唔够饱，于是拣咗厚烧。哩度系两个餐嘅份量。煎完嘅牛扒放面包上面，有脆卜卜嘅蒜片伴住食。牛肉好嫩、好多内汁，好好味。师傅话啲蒜头都系由日本嚟㗎，无咗平时食开嘅少少苦涩味。煎蚝又系一绝，皮略焦，甘香到爆，咬开蚝味响口内爆发..... 好想食多几只......最后有个炒饭、面豉汤。仲有少少炒杂菜唔记得咗影。炒饭炒到粒粒分明，可以填包个肚。最后，师傅好贴心咁问我哋够唔够饱（唔通俾佢睇穿咗我哋大胃王嘅身分？）。我哋两个扁晒咀咁望住师傅，