御鐵

营业中

休息中

环境5分：西餐厅格局，一啲都唔迫，所有人都系面对住个铁板烧同厨师，一目了然，非常悦目，满分。卫生5分：成间舖头都非常之干净，卫生一样畀满分。 服务5分：服务员好friendly，加茶快，落单爽，每样𩠌上时都会解释清楚，都系满分。味道5分：1)      季节沙律D菜非常新鲜，当中包括芦笋，蕃茄，青瓜，多种外国生菜，配上番茄沙律汁零舍开胃。2)      厨师将块鱼皮切开，煎到好似薯片咁脆，鲈鱼鱼肉非常嫩滑。3)      超级大只澳洲龙虾，厨师先将佢切开一半，然后慢慢响客人面前煎熟佢，非常赏心悦目，半只龙虾切成3至4块，啖啖肉非常爽口好味。4)      大大块薄嘅和牛入面铺满蒜同葱，卷起黎煎，非常嫩滑同埋香口，和牛油脂非常好味。5)      清汤有粒带子响入面吊下味，非常满足。6)      铁板烧嘅炒饭非常好食，最特别系之后饭上面放满好多新鲜嘅鱼子，又冻又热非常特别。7)      甜品芝麻雪糕跟红豆食，又甜又健康。8)      跟餐要杯热柠水最消滞。抵食5分：由头食到尾有八款，一千蚊左右食齐龙虾同和牛，乜都抵番哂。