洋食商店 (喜遇)

营业中

休息中

长沙湾洋食商店，有好野食又有得打卡📸 店内装修走复古风格，有大量日系怀旧嘅玩具同装饰品，仲有部街机添🕹️有特色得嚟充满玩味 。两个人点咗日式铁锅饭二人餐，套餐有一个铁锅饭，一份关东煮，同埋两份小食🥢三黄鸡铁锅饭🐔意想不到咁大锅，三黄鸡好大份，有两只脾位同两只全翼，处理得几好，皮微脆，肉够多肉汁，香料几惹味。铁锅饭就似意大利粉嘅做法，饭软硬适中，伴埋菇菌一齐食~明太子玉子烧🥚玉子质地实在，中间滑嫩，明太子够咸香，加埋满满嘅蟹籽，鲜味加倍。松露芝士薯条🍟薯条控表示很满意，面头铺满大量芝士碎，再有大兜松露酱可以大手点，满足‼️幼身薯条都炸得好香脆。关东煮望落细细份，其实入面材料都几多，有大根，蒟蒻，鱼丸，狮子狗等等，主要都系索汤食材，最正一定系大根，其次较喜欢狮子狗，朋友食咗粒鱼丸系有鲮鱼肉嘅，都几特别✨一场嚟到一定要食芭菲杯~开心果草莓芭菲🍓卖相可爱，好有圣诞气氛🎄两球雪糕下面，仲有士多啤梨干同开心果嘅碎碎，所以食起上嚟都好有口感~另外仲有朱古力，百力枝同士多啤梨~