喜記路邊雞

营业中

休息中

又到打风嘅日子，唔想煮要落街食，就著街坊装踢对拖揾食。行到砵兰街，听到喜记路边鸡镬气「hur hur」声又多食客，就入去啦。【红烧脆皮乳鸽$48】乳鸽皮香脆，一咬落去就食到油香，热辣辣肉嫩滑，真心正！【粉葛鲮鱼煲猪什汤(2-3位用)$138】广东菜中嘅「名汤」，有舒筋活络袪湿功效。去茶餐厅食有时会有呢个例汤，但味精多偏咸，呢度就饮唔到味精味，仲有啲鲜甜添。另外汤料都好多，真材实料。必点！【豉椒炒花甲$138】豉椒+三色椒+洋葱炒花甲，肉爽口，绝对新鲜。花甲都几多，味道带少少辣，惹味十足。【芥末和牛粒$108】wasabi和牛粒，少少「攻鼻」嘅刺激。牛肉粒好软腍，带油香肉味浓，真系和牛唔系扮架㖞～【干炒牛河$88】唔知点解听到镬气就想食干炒牛河。啲牛肉好高质，仲好多添，河粉就系幼身嘅，食起嚟口感几好，仲有芝麻、洋葱同韭菜令成个河粉更可口。本来只系落街简单医肚，估唔到又发现新大陆。