喜記路邊雞

营业中

休息中

醫院探完病後，便打算和太太在附近食飯，想食的兩間餐廳也要排隊，太太忽然想起之前網上推介的這間，那就一於去試吓吧。到達時，還淨下最後一張細枱(大枱還有)，雖然有點擠迫又近廁所，但因趕時間，也無奈接受。叫了路邊雞（半隻）、金銀蛋莧菜 及 香煎均安鯪魚餅。最喜歡當中的路邊雞，雖然細細隻但兩個人食剛剛好，雞肉鮮嫩皮爽，雞味香濃又不會過肥，好吃。香煎均安鯪魚餅，慢火煎至微脆金黃，油脂豐盛，香氣撲鼻，爽滑甘美，淨食或下酒同樣出色；反而金銀蛋莧菜，菜煮得過腍，只屬一般。見鄰枱自攜酒水，不知是否可免開瓶費？如是，或者下次可以攪番次酒局！🤔#路邊雞（半隻）#金銀蛋莧菜#香煎均安鯪魚餅#喜記路邊雞地址: 旺角砵蘭街61-63號長盛中心地舖電話: 23856678

話說有一日同朋友路過砵蘭街，諗緊食咩好嘅時候，目光咁啱見到路邊雞三隻字，見到個名幾得意，望一望個餐牌，大家都agree又啱食，所以我哋入咗去。呢間餐廳係有少少大排檔嘅風味，餐牌上面有好多唔同嘅菜式，我哋每人揀咗一個菜沙嗲金菇肥牛煲啲沙嗲汁好濃，金菇同埋肥牛都沾滿晒啲沙嗲汁，入晒味，一味好好送白飯嘅菜涼瓜肉鬆煎蛋角佢哋煎蛋唔會太唔會太油，加上啲肉鬆同涼瓜都切碎晒，放咗喺隻蛋入邊，啲涼瓜又唔會太苦澀海味雜菜煲想要一碟比較清少少嘅菜，呢一個海味雜菜煲就啱晒你啦，啲料都好足㗎

呢間野之前已經係旺角食過吾止一次為咗要令更加多人認識到佢，特別推薦區好食嘅嘢！例湯估唔到有一日我都會推薦人哋飲黎湯，佢哋個例湯十分多材料：粉葛、豬脷、腩肉…….太多實在不能盡錄！心急等濟吾記得影相每次去親都會飲，係一個幾矜貴嘅例湯🤣！小炒王某程度上都係試到間餐廳有冇實力嘅小菜一睇個樣就知有鑊氣佢哋嘅腰果好香口！呢個用嚟送飯一碗絕對唔夠🫡！油鹽水煮蜆呢個味道唔錯，不過果日食嘅有幾隻都有泥沙！雞粥雞味道偏淡粥還好-會再去飲例湯

最近因工作關係，好想試不同主打雞既餐廳，睇下邊間既雞係最好食同做下Research，朋友就帶左我嚟依間叫路邊雞既小菜館，餐廳名都已經用雞嚟命名，相信水準都應該有返咁上下吧主角招牌路邊雞，不清楚雞種，肉質偏瘦身，味道係不錯，有點似鹽水雞既味道，食雞既原味為主，雞味不算十分濃郁，但水準已屬中上，以招牌菜嚟講合格有餘小炒皇非常驚喜，每樣材料十分惹味，而且沒有一般小炒皇過鹹既情況，魷魚食得出係新鮮的，魚干菜脯腰果食極都有，配啤菜同朋友吹水一流，必叫推介炸大腸唔係一般街邊檔紅色嗰種，用粉醬包裹後炸，食頭幾件係ok, 但當餸菜一涼了後，炸粉太厚既問題就呈現了，本應係香口野反而最後都食剩唔想再食炒花甲都係不過不失，味道一般，有點失望整體水準還可以，睇到隔離枱既例湯非常足料，下次可以一試

旺角X蘭街 <喜X路邊X> 以前舊舖好好食 老火湯好熱夠料文昌雞好食 各款小炒鑊氣夠 總之就有讚無彈疫情搬舖後 今晚首次再幫襯 結果 非常失望 除咗冇下次之外 仲希望這哩個平台提醒大家 <大伏>今晚兩個人點了三個小菜 1 招牌小炒王$118 2 欖角骨 $108 3 味爆牛仔骨$128 小炒王 不是熱辣辣 沒有鑊氣之餘 份量比以前少左一半吃咗2啖 即刻投訴 最終取消 叫了同價招牌味菜大腸三個字 咸到🤮 牛仔骨都一樣 感覺厨房大換人跟舊店差太遠吧 保持水準是欖角骨 好味 但上菜時 我倆一齊嘩一聲 咁细碟 只有8小件 可能豬肉貴咗啦 但今晚食得唔開心 有感而發 謝分享🙏

根據食評搵到鬧市中的小炒店，滿有期待，可惜水準一般。本來想叫炸蠔、扇貝等，殊不知當晚想吃的全部賣哂，求其只點了喜記小炒王、豬大腸、薑蔥魚雲、海鮮什菜煲、脆皮咕嚕肉、椒鹽炸魷魚、椒鹽瀨尿蝦。豬大腸咬得辛苦，冇牙力千祈不要叫。又不脆又肥。咕嚕肉份量少、味道一般。什菜煲也是，全晚只有薑蔥魚雲有鑊氣，值得試。上菜又慢，等了很久才到。或許坐在樓上一層，餐廳人手有限，要上上落落，好彩沒有收加一服務費，否則埋單真不值！

#旺角美食 #小菜 #炒兩味今晚係旺角睇完戲之後搵餐廳食晚餐 係砵蘭街見到間小炒店燈火通明 裝修都乾乾淨淨 餐牌價錢合理 。.▪️招牌路邊雞 $128（半隻）果然招牌雞真係幾出色👍🏻雞種係海南文昌雞 造法係用浸雞既方式煮熟 之後再用凍水浸過隻雞 咁樣煮出黎既雞先會有皮脆肉嫩既口感 雞味濃郁 好好味😋.▪️清蒸海沙巴龍躉 $188本來小炒店好少叫蒸魚 但見餐廳幾大個魚缸 應該魚同海鮮都幾新鮮 叫左條海魚 真係蒸得好食👍🏻 食得出係海魚 蒸既時間又岩岩好 .▪️喜記小炒皇 $118勁足料小炒皇😜有韭菜花 腰果 鮮蝦 蝦乾 銀魚乾 菜莆... 香脆可口 重點係唔會過咸 配啤酒岩晒😍.📌地址：旺角砵蘭街61-63號長盛中心地舖💰價錢：$200-$300👅推薦指數：👍🏻👍🏻👍🏻👍🏻（5星為最高）———————————————————

探完友人的初生貓BB後，便到附近搵食，佢說呢間佢經常性幫襯嘅喜記路邊雞大排檔，價錢合理而且鑊氣夠，咁我哋就入去開餐啦！#豉椒炒花甲：用上紅椒、青椒、蒜頭、洋蔥炒出的花甲唔會太辣，很惹味，蜆肉份量多，鮮甜而且冇沙。#豉汁蒸魚雲豉汁惹味，魚雲新鮮很補腦，故要經常食至得架😋#海味雜菜煲內有什菇，魷魚，粉絲同菜心、生菜...菜很新鮮，唔係求其比啲菜頭菜尾俾你食，份量多個湯又好飲。#黑椒粉絲蝦煲黑椒配上粉絲很夾，蝦🦐都新鮮彈牙，大大煲很抵食啊。配上啤酒🍻嘅晚餐，真係大滿足啊。店鋪地方乾淨企理，價錢相當平民，服務員態度積極、有禮貌，會經常換碟，食物味道很不錯，友人果然冇介紹錯啊👍。

最近去旺角同屋企人試試呢間特式小菜😋。環境乾淨企理之餘，食物味道都唔錯。.🦪油鹽水浸花蛤 $168花蛤鮮甜彈牙，吐沙吐得夠乾淨。勝瓜配花蛤感覺家常，但整體味道鮮美。.🍍脆皮咕嚕肉 $118咕嚕肉酸甜開胃，而且炸得皮脆肉嫩。.🐮胡椒蘿蔔崩沙腩 $98胡椒湯暖胃又滋補，秋冬飲一流。崩沙腩口感爽滑無渣，而且份量頗多，白蘿蔔清甜美味。.🍗乳鴿 $48乳鴿細隻但肉厚。表皮香脆，肉質唔嚡有彈性。.喜記路邊雞 (旺角)旺角砵蘭街61-63號長盛中心地舖

招牌路邊雞, 我見到其他檯嘅人都點依個, 就相信冇得輸, 所以我都叫咗半份, 上到枱, 嗰份量非常之大碟, 真係喜出望外, 只不過一百三十蚊, 就已經咁大碟一放入口, 雞嘅香味零捨不同, AFTERTASTE非常之強, 肉質非常之滑, 真係愛不釋口, 再點埋佢嘅薑蓉嚟食, 更加提鮮味點了個海鮮, 就係 脆炸蝦球, 金黃色嘅外表, 鋪滿咗好多甜酸醬, 甜酸醬真係令到呢個脆炸蝦球更加突出, 甜甜酸酸, 非常滋味, 而金黃色嘅外表, 非常的脆身, 一咬落去, q彈嘅口感爆發出嚟, 肉質非常之Q 彈, 蝦球份量非常之多, 每一粒都好大, 好新鮮嘅蝦, 真係好吸引

雞控又要出動啦😍😍久唔久都好掛住哩度既雞，原來開咗間大啲嘅分店，寬敞咗好多，坐得好舒服，事不宜遲要嗌嘢食啦🤩🤩🌟招牌路邊雞，幾乎每枱都會嗌😚😚喜愛食雞既我又點唔嗌呢🤪記路邊雞做法是清湯白切雞做法，靠水既溫度將雞浸熟，雞肉保持嫩滑的情況下，仍然可以將雞肉煮熟，雞味超級濃郁，而且配埋姜蓉食更加提鮮喔😚🌟極品鹽水鵝😋呢碟又係鎮店之寶呀😚 鵝肉脂肪低，入口即溶既感覺☺️鹽水鵝既做法，能讓吃到濃濃的鵝肉原香🥳鵝肉軟嫩，好有嚼口😋重點不需沾上味料就能吃到鵝既鮮味🤩而且份量好多，食得好滋味喔❤️🌟新鮮花蛤入饌，大大隻花蛤口感嫩滑😍花蛤沙粒完全吐哂，做湯底果清甜無比，肉質細緻兼味道鮮甜😋熱辣辣的油鹽水煮花蛤上枱好吸引，用油鹽水把花蛤的鮮味帶出來，最重要加埋粉絲一齊煮，粉絲完全吸收湯底味道，比起炒花蛤更加健康🤪🌟最後嗌咗梳打水，真係要讚，竟然有梳打水飲，唔係度度舖頭都有架😊😊服務員態度好好，成日都幫我哋換碟😉仲有係免+1真係好抵食🥳🥳

招牌路邊雞 (半隻) $128黎到路邊雞無理由唔試下佢既招牌菜既，路邊雞配左豉油同薑蓉，但雞件應該係鹽水雞之類，所以本身已經好夠味唔需要再加任何調料都已經好味，而雞件亦好嫩滑火爆牛仔骨 $108火爆牛仔骨好香好惹味，充滿滿滿既黑椒味，真係相當火爆，唔太食得辣既朋友又想試既話記得小辣豬油渣炒水東芥菜 $78雖然豬油渣好似唔多健康甘，但正正就係因為豬油渣先帶出到香味，而且芥菜都好新鮮瑤柱蛋白炒飯 $138瑤柱蛋白炒飯一上枱已經好香好有鑊氣，炒飯粒粒分明又足料，啖啖都食到瑤柱絲整體食物質素：4 / 5

今晚約左好友晚飯，行過旺角砵蘭街，見到呢間喜記路邊雞坐滿人，睇餐牌價錢相宜又多選擇，一於同好友試試～鹽水鵝(下庄)肉質鮮嫩，啖啖肉肥而不膩，味道唔會死鹹，口感Q彈有嚼勁。紅燒乳鴿金黃香酥，口感細嫩，肉味濃郁，外脆內嫩又多汁，正! XO醬味菜大腸頭帶點微辣超級開胃，大腸頭滷得入味，味菜甜酸惹味，佐飯一流。涼瓜菜甫肉碎煎蛋角涼瓜帶點甘苦，加入菜甫鹹香味適中，蛋角煎得香脆，清新易入口。蜜汁雞中翼雞翼皮滑肉嫩，香甜又多汁，簡單好味。上湯米粉米粉口感爽滑有咬勁，上湯調味剛好。白飯粒粒分明，口感軟硬適中。

Happy Friday 之黎到油麻地緊係要搵野食，入左間好有地道feel嘅餐廳，入邊嘅菜式樣樣都要有咁上下鑊氣先整得出，係屋企煮嘅真心唔會做到呢種程度呢。🔷三絲炒米炒 💰88 💙85/100米粉口感好爽口乾身，配埋鼓油好平均咁每條米粉都上到色同入左味。另外仲有爽口芽菜同魷魚鬚，層次十分多元。🔷酥炸桶蠔 💰168 💙85/100桶蠔係大大隻不過就有4隻，外皮炸得真心名不虛傳，好酥脆。咬落好鮮好多汁，鍾意食蠔嘅不能錯過。🔷胡椒蘿蔔崩沙腩 💰98 💙85/100湯底好有胡椒味，蘿蔔浸得頗淋而且份量都幾大份，崩沙腩就相當出色，肥瘦適中咬落仲有少少爽口。🔷水東芥菜滑雞惹蛤煲 💰138 💙70/100呢道菜就相當豐富，雞又有、蛤又有，芥菜亦有。蛤恰得剛剛好，非常鮮，雞則大細切到岩岩好，而且湯底會見到香雞油。芥菜煲得淋，清清淡淡不錯。

朋友介旺角的喜記路邊雞小炒不錯， 所以今日來到旺角，就過來試嚇。餐廳門外有一缸海鮮，及門面挂著誘人的鹵水鵝。餐廳裡面裝修企理整潔。招牌路邊雞半隻$128既然招牌路邊雞是餐廳的招牌菜，當然要試嚇。路邊雞半隻，原來餐廳用的是文昌雞，牆上貼了大大張海報介紹，文昌雞皮很薄，完全不會肥，正如介紹肉質肥美且較嫩，入味又帶鮮味。避風塘炒蝦$200避風塘炒蝦，上枱見到橙紅色的蝦份外吸引，除蝦外見到有一條條似蒜芯之類的菜，及脆卜卜的秘制避風塘配料，先試嚇類似蒜芯的配菜，睇清原來是青綠的蔥葉，切得與蒜芯一般長度，外看較似蒜芯，卻原來是蔥葉，不過蔥葉就稍嫌生了些。炒蝦炸得外皮帶點微脆，帶微辣，入味新鮮又爽口，真是非常惹味，這個真是非常推薦。鹵水鵝掌翼$58這個鹵水鵝掌翼顏色與平時見的不同，沒有深啡的鼓油顏色，但卻是另一種的鹵水香味，鹵得夠腍夠滑，也很入味。菜心炒牛肉$88當然了，這麼多的肉，我愛炒多一個青菜，見格離枱菜心炒牛肉好似不錯，所以也要多一碟菜心炒牛肉。牛肉切得較大件，醃得入味又會鞋，很嫩滑，菜心也是很嫩，整個菜炒得香口又入味。朋友介紹的沒錯，這裡的小炒果真不錯，非常美味，尤其是避風塘炒蝦，加多罐