大排檔小炒 (華發大廈)

营业中

休息中

想食大排档但又想舒舒服服坐室内凉冷气？去干净企理嘅室内大排档就实冇死😗 知道之前介绍过俾大家嘅楚撚记长期爆满，book唔到嘅大家可以转移玉步试吓呢间同样出色嘅良心小炒店，同样镬气十足，啱晒成班人食饭饮返杯啤酒吹水👅➤ 拔丝咕噜肉 ($108)听讲去见工做中菜厨师，其中一道必考嘅菜式就系咕噜肉，绝对系易学难精嘅一味。呢到嘅咕噜肉趁热夹起𠮶阵仲系拔丝架！外皮里满酸甜嘅糖醋汁，味道相当开胃。炸皮好薄，咬落外脆内嫩非常松化，唔会食到成口都系油，入面半肥瘦嘅肉质相当软腍，好有水准！➤ 蜜薯牛柳粒 ($128)次次口痕想食呢味𩠌都会谂起万X，不过2019后就唔建议大家去食喇。呢到嘅薯仔牛柳粒都相当出色🥹 牛柳粒每粒都好松软嫩滑，挂满黑椒汁相当惹味。不过呢个𩠌紧系薯仔先系主角啦，用咗大量蜜糖去炒炸过嘅薯粒，形成焦糖脆面，食落外脆内软，整体味道微辣带甜，真系食到停唔到口！➤ 干烧虾油粉丝煲 ($128)劲香劲重镬气！粉丝炒得好干身，索满晒虾油，而且啖啖都食到蛋丝同埋虾肉，口感十足之余仲超级惹味。