楚撚記大排檔 (寶光大廈)

营业中

休息中

听讲佢搬左铺，特登过黎试下。冇book台话应该有排等人。8点半入座。见话好多人话饭后有送，但今次冇送，唔知太晏派哂定点。拔丝咕噜肉，梅头肉每件都啖啖肉，唔太识品尝旁边的焦糖块，觉得硬左d，对个拔丝有d 失望，虽然卖相ok。总体平平。菜干猪肺汤，份量十足，6个人每人都饮到2碗，汤料亦都唔少，见到汤面唔会好油，清肺一流。猪油捞饭，有趣，新一代人甚少咁样食法，入口而冇想像中既油腻。要亲饭重有热力捞埋d 猪油。蜜椒薯仔牛柳粒，落完order，去完厕所既时间已经上左菜。快手上菜系好事，但食物明显地唔够热。另外无论薯仔定牛柳份量都唔算多。凤尾虾多士，差，只系得微暖，表面亦唔够脆，如果系返热返个多士既话有点失望。黑松露莲藕墨鱼饼，呢个系最后一道上菜，唯一一个感受到大排档温度，煎到金黄色岩岩好。咬开重有烟。黑松露个味好够好出。莲藕夹埋墨鱼口感爽脆层次丰富。特别的汽水，香港制造，就真系唔似可乐，几种唔同既甜味混合而一咁。但试一次够。总体食物有好有坏，装修有风格，但不太感受到食物有大排档既镬气小炒feel。如果追求快出餐，只可算系好少少既茶记。