Ocio オシオ (已結業)

居于钻石山多年, 虽然有大型广场, 但附近亦无一间甜品店。近月荷里活开咗间Café, 除了主食, 仲供应多款甜品, 终于可以同三五知己食完dinner转场黎食甜品喇!餐厅光猛阔落企理, 点了三款甜品一齐分享。蜂蜜雪山热香饼 HK$68热香饼超软熟, 双层叠起可以趟下趟下咁郁, 质地带点湿润, 有阵阵甜甜蛋香。配上云呢拿雪糕、枫糖酱, 自行沾上, 食落多一点点甜。奥斯蜜瓜雪山热香饼 HK$98云呢拿雪糕同埋单层厚厚热香饼放于半个蜜瓜之上, 再有蜜糖星星同埋杏仁片做陪衬, 卖相吸引又能尽显份量。除了可品尝软熟兼有蛋甜香嘅热香饼沾上云呢拿雪糕, 蜜瓜内已起核, 藏了几粒奶冻方块, 最后刮起蜜瓜肉食, 超清甜多甜又多汁, 满足哂我呢个蜜瓜控。Brownie Waffle HK$68窝夫口感似蛋糕软身质地, 沾上朱古力雪糕冻冻地一齐食, 软绵中带点甜。另配上酒心朱古力再令整个朱古力窝夫增加多份口感, 一次过享受三款朱古力层次。