山地人越南法包專門店 (已結業)

我好钟意食面包架所以一直好想试下呢间野。放左学，有D肚饿。唔洗谂就黎左山地人喇～舖头真系好细好细，去到的时候已经有一个女士坐系度（当初我以为佢食完就走，点知唔系），出面又有一对夫妇同个小朋友系度谂食咩又唔知外卖还是系度食....唉，我排佢地前面架，不过见佢有细路就让下佢地啦。我对食炭的兴趣唔大，之前见食评话个黑麦包又有D甜甜地，所以选择左最普通的法包。Filling方面叫左我钟情的肉松同鸡肉，其实都有D唔识order，因为我唔知除左自选馅料之外，本身都包其他配料例如扎肉、萝白丝、洋葱等等。我唔要辣味同走青，order后等左好耐呀，有成十分钟。正当我行黎行去的时候发现铺头旁边的小商场都摆放左台同椅，原来都系铺头既所以我就系度食喇～个包终于黎喇，分成两半。好脆呀，又暖暖地，D肉松有少少甜，overall都几好食，不过配料里面有D生的葱头，我就唔系好钟意，咩都食的男朋友竟然话唔好食。其实我觉得都食得过，如果系附近出没既，都会再食既，特登既，就唔洗喇。