影片
更多
2010-06-10
27 浏览
生日饭局己经开始咗, 仲排得密密麻麻, 而家一得闲就要快手打稿, 唔系就会好快唔记得晒…<服务及环境>一行9 人被安排一间独立房, 好啱我哋一班爱影相兼嘈既人, 可能早订位关系啦, 非常意外. 房间又无最低消费, 而侍应不时入房侍候, 唯一唔好系冷气好大<食物>首先讲讲食物种类, 其实散叫小炒款式唔多, 只得廿多款, 而其他种类就系小食, 翅类, 甜品等等, 我哋拣咗好耐先好勉强拣到10款小炒, 再加上 OPENRICE 食家推介或好味既食物都己经无出 lu… 另外所有𩠌菜都非常细碟, 基本上大家好似试食咁, 每人只得一件, 两件或以上既机会好微…1) 石榴脆皮鸡(半只) ~ 鸡好细只, 平均每人分得2件, 鸡无鸡味, 但就食到阵阵石榴汁香味2) 香草芥末杏香虾球 ~ 虾无虾味, 只系爽口弹牙, 好彩有汁搭够还可以3) 浓汤鲜菌泡青蔬 ~ 份量好少, 卖相好唔吸引, 同大排档相比系卖相一样, 但价钱就贵一倍4) 家乡茄子 ~ 卖相ok, 但由于我唔食茄子所以无得评5) 香草汁黄金脆鱼扒 ~ 鱼有鱼味, 炸得香脆可口, 全晚最好味系呢个鱼扒, 但只可惜得一
<服务及环境>
一行9 人被安排一间独立房, 好啱我哋一班爱影相兼嘈既人, 可能早订位关系啦, 非常意外. 房间又无最低消费, 而侍应不时入房侍候, 唯一唔好系冷气好大
<食物>
首先讲讲食物种类, 其实散叫小炒款式唔多, 只得廿多款, 而其他种类就系小食, 翅类, 甜品等等, 我哋拣咗好耐先好勉强拣到10款小炒, 再加上 OPENRICE 食家推介或好味既食物都己经无出 lu… 另外所有𩠌菜都非常细碟, 基本上大家好似试食咁, 每人只得一件, 两件或以上既机会好微…
1) 石榴脆皮鸡(半只) ~ 鸡好细只, 平均每人分得2件, 鸡无鸡味, 但就食到阵阵石榴汁香味
2) 香草芥末杏香虾球 ~ 虾无虾味, 只系爽口弹牙, 好彩有汁搭够还可以
3) 浓汤鲜菌泡青蔬 ~ 份量好少, 卖相好唔吸引, 同大排档相比系卖相一样, 但价钱就贵一倍
4) 家乡茄子 ~ 卖相ok, 但由于我唔食茄子所以无得评
5) 香草汁黄金脆鱼扒 ~ 鱼有鱼味, 炸得香脆可口, 全晚最好味系呢个鱼扒, 但只可惜得一件食
6) 碧绿炒花姿珊瑚蚌 ~ 炒得好麻麻, 所有嘢都好似无味咁, 尤其系珊瑚蚌我既至爱
7) 凤梨咕噜猪围巾 ~ size 适中, 汁唔太酸, 而肉就去骨兼炸得啱啱好, 极力推介
8) 百页带子片 ~ 一上枱就己经嗅到好香既豆腐味, 用少少豆豉做汁唔会太过抢, 配搭得好好
9) 玉盘鲜上素 ~ 卖相靓, 成个𩠌都清甜
10) 钟家小炒皇 ~ 只得芽菜, 葱同鱿鱼, 好失望好一般
整体嚟讲: 唔抵食, 只系食环境
9人共消费 : $1000
张贴
