意樂餐廳 (啟鑽苑)

营业中

休息中

自從啟鑽苑落成，有唔少餐廳進駐，我先知道原來意樂餐廳原來喺好多屋苑商場都插左旗，佢嘅早、午、晚餐都幾抵食，外賣每分加一蚊。有時仲會有平價嘅雪凍外買飯盒賣，第日返工帶飯非常方便。唯一一個唔滿意嘅地方，係呢度嘅檸檬水係用檸檬汁加水，而唔係用新鮮檸檬片，冇得自己選擇酸度，麻麻哋。爆牛牛角酥配田園沙律$36- 壽喜燒醬汁肥牛加上炒到入晒味嘅洋蔥，非常惹味，同牛角酥牛油嘅香味亦都非常配合，推介！氹仔風味豬扒包配田園沙律$36- 相比起爆牛牛角酥，豬扒包偏乾，千島醬加上薄豬扒都幾好味。香辣蕃茄煙鴨胸炒扁意粉$45- 呢個價錢有五、六塊煙鴨胸都幾抵食，醬汁真係偏辣，好刺激。不過食到最後碗底都比較多油，油膩咗少少。