影片
更多
2022-11-10
81 浏览
朋友今个月生日，决定食豪气一啲，生日当然要有返个仪式感，食铁板烧就最适合不过，可以一边欣赏厨师嘅手势，一边享受美食，双重享受今日拣咗依间铁板烧，喺尖东开业已经27年，咁多年都屹立不倒，绝对有质素嘅保证，入到去装修好新净，仲有几间大房，私隐度比较高今日拣咗$1988 二人前餐，中午过嚟食仲有六六折优惠，十分超值，套餐有南非活鲍鱼+大海虾，之后拣咗鹅肝加A4和牛薄烧✨鲍鱼同大虾🍤一上菜时真系哗哗声，鲍鱼仲系活活生生，仲识得得挣扎，师傅即刻喺你面前处理鲍鱼，过程虽然有啲残忍，但保证送上最新鲜嘅食材，鲍鱼爽口弹牙，师傅已经切到一片片容易入口，旁边仲有香草牛油汁，可以带出鲍鱼嘅鲜甜味✨大虾🍤超大只，有成只手板咁长，虾头非常多虾膏，师傅用虾膏加上牛油🧈整成酱汁，好食到连碟清干净晒✨鹅肝系我食过最好厚的一块，厨师👨🍳火喉控制得刚刚好，表皮外脆，里面油脂感爆发，配上多士一齐食系绝配，多士超脆入口松化，连面包都可以整到咁好食😋✨A4 和牛簿烧，和牛色泽超粉嫩，牛肉上布满细小嘅油花，簿烧里面放上葱花同蒜粒，是可以不经咀嚼就直接自然平顺的滑进喉头✨樱花虾籽炒饭，板烧炒饭最正系可以炒到粒粒分明，师傅用返虾油
今日拣咗依间铁板烧，喺尖东开业已经27年，咁多年都屹立不倒，绝对有质素嘅保证，入到去装修好新净，仲有几间大房，私隐度比较高
今日拣咗$1988 二人前餐，中午过嚟食仲有六六折优惠，十分超值，套餐有南非活鲍鱼+大海虾，之后拣咗鹅肝加A4和牛薄烧
✨鲍鱼同大虾🍤一上菜时真系哗哗声，鲍鱼仲系活活生生，仲识得得挣扎，师傅即刻喺你面前处理鲍鱼，过程虽然有啲残忍，但保证送上最新鲜嘅食材，鲍鱼爽口弹牙，师傅已经切到一片片容易入口，旁边仲有香草牛油汁，可以带出鲍鱼嘅鲜甜味
✨大虾🍤超大只，有成只手板咁长，虾头非常多虾膏，师傅用虾膏加上牛油🧈整成酱汁，好食到连碟清干净晒
✨鹅肝系我食过最好厚的一块，厨师👨🍳火喉控制得刚刚好，表皮外脆，里面油脂感爆发，配上多士一齐食系绝配，多士超脆入口松化，连面包都可以整到咁好食😋
✨A4 和牛簿烧，和牛色泽超粉嫩，牛肉上布满细小嘅油花，簿烧里面放上葱花同蒜粒，是可以不经咀嚼就直接自然平顺的滑进喉头
✨樱花虾籽炒饭，板烧炒饭最正系可以炒到粒粒分明，师傅用返虾油和鹅肝油去炒饭，再加上樱花虾，蟹子，烟肉一齐炒，香味十足，仲有少少饭焦
✨最后送上炒杂菜同面豉汤，面豉汤系立鱼和蚬肉煲成，特别鲜味，食炒杂菜可以清一下之前嘅油腻感
✨甜品系绿茶雪糕和黑芝麻雪糕，质感有啲似雪芭
✨一开始话系庆祝生日，当然要搞搞新意思，师傅会问你钟意咩公仔帮你画出来，旁边再写上祝福的字句，超有心思，仲好细心帮客人影相
张贴
