影片
更多
2018-05-20
46 浏览
和安里—以前成日都来食越南河做lunch，但自从越南河无做就好少来衣条街喇，食饭经过见到差不多最入果度开左间日本餐厅，好似几高级咁，睇下佢menu 铁板烧都系1300-1600一个set，同尖沙咀果啲差不多价，咁就相约朋友一试～睇佢门面都知佢较为高级（只可以上载12张相，唔够位😢）入到去侍应已经好有礼貌带我地去一间房，入面有六个位，铁板烧师父站在中间为客人制作铁板烧，每一位客人都可以看到师父精湛嘅技术铁板烧有3个set，价钱1380、1480同1580，当中系个main course 唔同，相信价格嘅差异在于食材嘅价格，咁我同朋友分别拣了最平同最贵个set share 食。一开始侍应为我们准备了小食，是鳕鱼片，脆脆的，点了沙律酱，是不错嘅开胃小食，等了不久前菜来了，卖相精致，分别有水云、数之子同岩石蛋，前两个酸尾尾的好开胃，岩石蛋味道较淡。上网search 什么是数之子，有一篇写著「高级的数之子，是鱼把卵产在昆布的双面，切成长方形小片吃，两边黄中间绿」，这样一看我食的是高级版～我不嬲都偏爱吃鱼春同渍物，这前菜很对我口味❤️第二样菜是刺身并盘，menu 没有注明是什么刺身，相信是看当天什么
睇佢门面都知佢较为高级（只可以上载12张相，唔够位😢）
入到去侍应已经好有礼貌带我地去一间房，入面有六个位，铁板烧师父站在中间为客人制作铁板烧，每一位客人都可以看到师父精湛嘅技术
铁板烧有3个set，价钱1380、1480同1580，当中系个main course 唔同，相信价格嘅差异在于食材嘅价格，咁我同朋友分别拣了最平同最贵个set share 食。
一开始侍应为我们准备了小食，是鳕鱼片，脆脆的，点了沙律酱，是不错嘅开胃小食，等了不久前菜来了，卖相精致，分别有水云、数之子同岩石蛋，前两个酸尾尾的好开胃，岩石蛋味道较淡。上网search 什么是数之子，有一篇写著「高级的数之子，是鱼把卵产在昆布的双面，切成长方形小片吃，两边黄中间绿」，这样一看我食的是高级版～我不嬲都偏爱吃鱼春同渍物，这前菜很对我口味❤️
3 浏览
0 赞好
0 留言
第二样菜是刺身并盘，menu 没有注明是什么刺身，相信是看当天什么刺身新鲜才决定提供什么给客人，睇来今日好好彩有中Toro食，入口溶，真系好正，其他两样都好新鲜，赤贝同牡丹虾，赤贝爽甜，而虾呢因该我钟意食虾膏，这只虾膏不太多呢。
5 浏览
0 赞好
0 留言
铁板烧之旅开始喇，师父/侍应每次喺食物制作前/完成后都会同我地介绍下食材/烹调方法，令我地对食材有进一步了解，感觉长智识。
衣间餐厅采用法国鹅肝，师父解释系因为无咁多油份，但是香味都保持浓厚。看到碟上嘅鹅肝，的确几干身，而且佢唔系同平时出去食鹅肝要配面包（吸油作用），而系单食。咬落去外面小脆入面软绵绵，味浓，食完好有罪恶感，唔食罪恶感仲大🤣
4 浏览
1 赞好
0 留言
之后就杂菌炒象拔蚌，味唔太咸，炒得干身，但是啲食物唔干🤣（自己都唔知自己讲紧咩）好食
5 浏览
0 赞好
0 留言
龙虾系我觉得成个set 最好食嘅一样𩠌（样样都好食，不过衣样系「最」。师父用返龙虾啲虾膏做酱汁同龙虾一齐炒，好香好好食，我觉得系铁板烧必试👍🏻
3 浏览
1 赞好
0 留言
跟住嘅一道菜系排喺「最」之后推介，唔明白点解可以整到咁😮师父系铁板烧热啲滚油至180度，再将金鲷放入去炸，炸脆晒啲鳞片，上碟时再配上海胆酱。食嘅时候完全唔明白点解鳞片可以咁脆但是鱼肉可以咁滑，醮海胆酱好好食好夹。
3 浏览
1 赞好
0 留言
食左咁多嘢中间比沙律我地食话清清口腔。之后到和牛，我地要5成熟，师父话太熟就唔好食，师父放和牛喺个架到煎，到差不多就将酒淋落去，这是一个表演呢～等大火熄左砌粒就上碟了。选用近江和牛，肥瘦适中，其实我自己有啲怕食和牛，因为油份太重食两三件就好腻，而衣份和牛平时和牛入口即溶嘅感觉，但是食多两件都唔腻，配埋蒜片食好惹味好好食。
5 浏览
0 赞好
0 留言
其实我食到衣度已经好饱，但是望一望师父仲煮紧，望一望menu 仲有炒杂菜少饭汤同甜品，要加多一点点油食埋佢
汤系用刚刚比我地食左嘅龙虾个头煮的，散发淡淡龙虾味，配埋渍物，几饱都要食。
4 浏览
0 赞好
0 留言
炒饭炒得干身唔油，唔系咁饱，食几碗都得。
餐厅好细心食到衣度会帮我地换种茶，清返个油腻感觉，再来就系衣餐尾声～甜品：水信玄饼配黑蜜黄豆粉，好好食，当初认识衣只甜品已觉得佢拥有一个漂亮的名字及外表，当然佢都有内涵，系一个我好喜欢嘅和风甜点，为衣餐晚餐画上完美句号。
2 浏览
0 赞好
0 留言
真系饱到上心口
衣间餐厅除了铁板烧外还有其他日本食物，下次要试一试佢嘅omakase。
同埋对比起其他铁板烧我极度推介衣间，因为佢坐得舒服又好食，价钱亦都唔特别贵，大家想食铁板烧不防一试衣间～
张贴
