金牌源記 (已結業)

✔🌟 金牌源记铁汉柔情，真材实料！平时我都唔会写咁多字嘅食评，不过呢间真系又新鲜好食CP又高，而且仲要有店员服侍整埋比你食，真系好似佢门口𠮶句咁平到唔信。龙虾平时食唔系焗就炒，清蒸真系第一次，肉质好弹牙唔系急冻👍🏼十头鲍鱼好大只好有口感，完全唔干。我差d食埋朋友𠮶只🤪蒸鳝鳝唔系我杯茶因为怕多骨或鯹，不过食完头先两款都有惊喜位，就胆粗粗试埋。好彩有试，肉好滑滑到有D似食蒸鱼𠮶D面猪仔咁。海虾我唔知D虾边度黎，净系知好甜😱龙趸鱼皮唔够多，不过胜在啖啖肉而且少骨，啱我😬盐水大蚬只只都好大，比花甲甜，老板话唔系香港本地。梅菜菜心中埸休息～菜唔老～快上下一道！🤣蒜蓉扇贝＋蛏子皇通常出面食都系只可以二选一，今次呢个海鲜餐两样都有😍长筒鱿鱼拼肠粉鱿鱼有啲似平时茶楼食𠮶啲蒜蓉蒸“鲜”鱿，不过呢个真系鲜好多！下面仲有吸收D鱿鱼汁肠粉，多种口感食法荷叶蟹饭盘荷叶饭唔同系呢块荷叶用黎执底托住d饭同蟹汁去吸收，而唔系包住（其实只蟹咁大都应该冇咁大块叶包🤣）真系有成只蟹喺𥚃面，唔系蟹肉蟹柳！